നടി ആക്രമിക്കപ്പെട്ട കേസിലെ കൂറുമാറ്റത്തിനെതിരെ വിമര്ശനവുമായി നിരവധി താരങ്ങൾ ആണ് രംഗത്ത് വരുന്നത്. താരങ്ങൾ മാത്രമല്ല സോഷ്യൽ മീഡിയയിലൂടെ ഇതിനെതിരെ ഇപ്പോഴും പ്രതിഷേധം ശക്തമാണ്. നടിമാരായ രേവതിയും റിമ കല്ലിങ്കലും, രമ്യ നമ്പീശനും എല്ലാം പ്രതികരണവുമായി രംഗത്ത് വന്നിരുന്നു. ഇതിനു പിന്നാലെയാണ് സെലിബ്രിറ്റി മേക്ക് അപ് ആർട്ടിസ്റ്റ് രഞ്ജു രഞ്ജിമാർ തന്റെ പ്രതിഷേധം അറിയിച്ചുകൊണ്ട് രംഗത്ത് വന്നത്.
"കാലം കാത്തു വച്ചിട്ടുണ്ട്, പുറത്തിറങ്ങി നടക്കാൻ സ്വാതന്ത്ര്യം നേടി തരും, പെൺകുഞ്ഞു പിറക്കാതിരിക്കാൻ പ്രാർത്ഥിക്ക്, കല്യാണ ചിലവ് കുടും, അന്നൊരു പക്ഷേ ഇന്നത്തെ പോലെ കല്യാണ ചിലവ് വഹിക്കാൻ ആളുണ്ടാവില്ല", എന്ന് പറഞ്ഞുകൊണ്ടാണ് ഭാമയുടെ മുൻ പ്രതികരണത്തിന്റെ സ്ക്രീൻഷോട്ട് സഹിതം പങ്ക് വച്ചുകൊണ്ട് രഞ്ജു പ്രതികരണം നടത്തിയത്.
'ഒരു ദിവസം കണക്ക് പറയേണ്ടി വരും. അത് അത്ര വിദൂരം അല്ല', തുടങ്ങി നിരവധി പോസ്റ്റുകളും വീഡിയോയും പങ്ക് വച്ചുകൊണ്ടാണ് രഞ്ജു തന്റെ പ്രതിഷേധം പരസ്യമായി തന്നെ പങ്കിട്ടിട്ടുണ്ട്. ഒപ്പം ഭാമയുടെ വിവാഹചിത്രത്തിലും രഞ്ജു തന്റെ പ്രതിഷേധം അറിയിച്ചിട്ടുണ്ട്. താരങ്ങൾ ഉൾപ്പെടെ നിരവധിപേരാണ് രഞ്ജുവിന്റെ പ്രതികരണം നന്നായിട്ടുണ്ട് എന്ന അഭിപ്രായം പങ്കിട്ടുകൊണ്ട് രംഗത്ത്എത്തുന്നത്.
