ബെംഗളൂരു: കന്നട സിനിമാ മേഖലയുമായി ബന്ധപ്പെട്ട ലഹരി ഇടപാടില് അന്വേഷണം ക്രിക്കറ്റ് താരങ്ങളിലേക്കും. കേസില് പോലീസ് തെരയുന്ന ആദിത്യ ആല്വ, ഹണിട്രാപ്പിലൂടെ ക്രിക്കറ്റ് താരങ്ങള് ഉള്പ്പെടെയുള്ളവരെ കുടുക്കിയതായി മുന്പ് വാര്ത്തകള് വന്നിരുന്നു. ബോളിവുഡ് നടന് വിവേക് ഒബ്റോയിയുടെ ഭാര്യാ സഹോദരനും കര്ണാടക മുന്മന്ത്രി ജീവരാജ് ആല്വയുടെ മകനുമാണ് ആദിത്യ ആല്വ.
കര്ണാടക പ്രീമിയര് ലീഗ് ക്രിക്കറ്റ് ടൂര്ണമെന്റുമായി ബന്ധപ്പെട്ട് കളിക്കാരെ ഹണിട്രാപ്പില് കുടുക്കി വാതുവയ്പിനു പ്രേരിപ്പിച്ചതായും കന്നഡ നടിമാര്ക്കൊപ്പം കളിക്കാര് വിദേശത്ത് സമയം ചെലവഴിച്ചതിനുള്ള തെളിവുകളും മാസങ്ങള്ക്ക് മുന്പ് പുറത്തുവന്നു. എന്നാല്, ഈ കേസിലെ അന്വേഷണം പിന്നീട് അവസാനിപ്പിച്ചു.
നാര്കോട്ടിക്സ് കണ്ട്രോള് ബ്യൂറോ (എന്സിബി), ബെംഗളൂരു സെന്ട്രല് െ്രെകംബ്രാഞ്ച് (സിസിബി) എന്നിവയ്ക്കു പുറമേ കര്ണാടക പോലീസിലെ ആഭ്യന്തര സുരക്ഷാവിഭാഗവും ലഹരി ഇടപാാടില് അന്വേഷണം ശക്തമാക്കിയിരിക്കുകയാണ്. ആദിത്യ നിലവില് ഒളിവില് കഴിയുകയാണ്. ഇയാള്ക്കെതിരേ ലുക്ക്ഔട്ട്് നോട്ടീസും പുറപ്പെടുവിച്ചിട്ടുണ്ട്. കേസില്, നടിമാരായ രാഗിണി ദ്വിവേദി, സഞ്ജന ഗല്റാണി എന്നിവരുള്പ്പെടെ 13 പേരെ ഇതുവരെ അറസ്റ്റു ചെയ്തിട്ടുണ്ട്.
