ന്യൂഡല്ഹി: കര്ഷക നിയമങ്ങളില് പ്രതിഷേധിച്ച് ബി.ജെ.പി നേതൃത്വം നല്കുന്ന ദേശീയ ജനാധിപത്യ മുന്നണി (എന്.ഡി.എ) വിട്ട ശിരോമണി അകാലിദള് ബി.ജെ.പിക്കെതിരെ രംഗത്തുവന്നു. മുന്നണിക്ക് അതിന്റെ വിശ്വാസ്യത നഷ്ടപ്പെട്ടുവെന്നും അത് പേരില് മാത്രമുള്ള മുന്നണിയാണെന്നും അകാലിദള് അധ്യക്ഷന് സുഖ്മീര് സിംഗ് ബാദല് പറഞ്ഞൂ. ഇന്ത്യന് എക്സ്പ്രസിനു നല്കിയ അഭിമുഖത്തിലാണ് ബാദലിന്റെ വിമര്ശനം.
കഴിഞ്ഞ് 8-10 വര്ഷമായി എന്.ഡി.എ പേരിനു മാത്രമാണ്. മുന്നണിയില് ഒന്നും നടക്കുന്നില്ല. ചര്ച്ചകളോ, ആസൂത്രണങ്ങളോ, യോഗങ്ങളോ കഴിഞ്ഞ പത്തു വര്ഷത്തിനുള്ളില് നടന്നതായി തനിക്ക് ഓര്മ്മയില്ല. പത്തു വര്ഷം മുന്പ് ബി.ജെ.പി നിലപാട് വ്യക്തമാക്കാന് പ്രധാനമന്ത്രി വിളിച്ച എന്.ഡി.എ ഉച്ചവിരുന്ന് മാത്രമാണ് നടന്നത്.
മുന്നണി കടലാസില് മാത്രമായിരിക്കരുത്. വാജ്പേയിയുടെ കാലത്ത് മുന്നണിയില് ശക്തമായ ബന്ധമുണ്ടായിരുന്നു. തന്റെ് പിതാവ് പ്രകാശ് സിംഗ് ബാദല് എന്.ഡി.എയുടെ സ്ഥാപന നേതാക്കളില് ഒരാളാണ്. എന്.ഡി.എ തങ്ങളാണ് ഉണ്ടാക്കിയതെങ്കിലും അത് ഇന്ന് നിലവിലില്ല. -സുഖ്ബീര് സിംഗ് പറയുന്നു.
പഞ്ചാബില് എന്.ഡി.എയുടെ എല്ലാ പരിപാടിയിലും ബി.ജെ.പിയെ പങ്കെടുപ്പിച്ചിരുന്നു. ഗവര്ണര്ക്ക് നിവേദനം നല്കാന് പോകുമ്പോഴും ബി.ജെ.പി തങ്ങള്ക്കൊപ്പമുണ്ടായിരുന്നു. എല്ലാക്കാര്യത്തിലും അവരെ തങ്ങള് വിശ്വാസത്തിലെടുത്തിരുന്നുവെന്നും സുഖ്ബീര് സിംഗ് പറയുന്നു.
എന്.ഡി.എ വിടാനുള്ളത് പാര്ട്ടിയിലെ ഏകപക്ഷീയമായ തീരുമാനത്. ഹര്സിമ്രത്ത് ബാദല് മോഡി സര്ക്കാരില് നിന്ന് രാജിവയ്ക്കാനുള്ള തീരുമാനം പാര്ട്ടിയില് എടുത്തതാണെന്നും അദ്ദേഹം പറയുന്നു. ഞങ്ങള് കര്ഷകരാണ്. ഞങ്ങളുടെ താല്പര്യം വച്ച് കളിക്കാനാവില്ല. ഞങ്ങളുടെ പോക്ക് ശരിയല്ലെന്ന് കോണ്ഗ്രസ് പറയുന്നു. അത് ശരിയാണോയെന്ന് അധികാരത്തില് വന്നശേഷം തെളിയിക്കാമെന്നും സുഖ്ബീര് പറയുന്നു.
