മെല്ബണ്: ഓസ്ട്രേലിയന് ക്രിക്കറ്റ് താരം ഗ്ലെന് മാക്സ്വെല്ലിനെ പ്രണയിച്ചതിന്റെ പേരില് സോഷ്യല്മീഡിയയിലൂടെ വഞ്ചകിയെന്ന് കമന്റിട്ട ആള്ക്ക് ചുട്ട മറുപടിയുമായി ഇന്ത്യക്കാരിയായ പ്രതിശ്രുത വധു വിനി രാമന്. മാക്സ്വെല്ലിനൊപ്പമുള്ള ചിത്രം പങ്കുവെച്ചതിനു താഴെയാണ് വിനിയെ വഞ്ചകിയെന്ന് ഒരാള് കമന്റിലുടെ വിശേഷിപ്പിച്ചത്.
ഇതിനു മറുപടിയായി സ്ക്രീന് ഷോട്ട് ഉള്പ്പെടെ ഇന്സ്റ്റഗ്രാം സ്റ്റോറിയായി മറ്റൊരു കുറിപ്പ് കൂടി പോസ്റ്റ് ചെയ്തു. ഇതോടെ വിനിയുടെ മറുപടിക്ക് അഭിനന്ദനവുമായി മാക്സ്വെലും രംഗത്തെത്തി.ഐപിഎല്ലില് കിങ്സ് ഇലവന് പഞ്ചാബിന്റെ താരമാണ് മാകസ്വെല്.
മാക്സ്വെലിനെ വിട്ട് ഇന്ത്യക്കാരനെ വിവാഹം ചെയ്യാന് പറഞ്ഞുകൊണ്ടുള്ളതായിരുന്നു കമന്റ്. ഈ കമന്റിനു നേരിട്ട് മറുപടി പറയകുയും ചെയ്ത ശേഷമാണ് കമന്റിന്റെ സ്ക്രീന്ഷോട്ട് സഹിതം കുറിപ്പ് പോസ്റ്റ് ചെയ്തത.. ചര്മ്മത്തിന്റെ നിറം വ്യത്യസ്തയായ ഒരാളെ പ്രണയിച്ചതുകൊണ്ട് നിങ്ങള് വഞ്ചകിയാകുന്നില്ല. ഒരു വെള്ളക്കാരനെ പ്രണയിച്ചതുകൊണ്ട്ഇന്ത്യക്കാരിയാണെന്ന് പറയാന് എനിക്ക് നാണക്കേടാണെന്നും അര്ത്ഥമില്ല. ഇത് എന്െ്ളറ ഇഷ്ടമാണ്. മറുപടി പോസ്റ്റില് വിനി കുറിച്ചു. ഇക്കഴിഞ്ഞ മാര്ച്ചിലാണ് ഇന്ത്യന് വംശജയായ വിനി രാമനുമായുള്ള മാക്സ്വെല്ലിന്റെ വിവാഹനിശ്ചയം നടന്നത്. തമിഴ്നാട്ടില് വേരുകളുള്ള വിനി ഓസ്ട്രേലിയയില് ഫാര്മസിസ്റ്റായി ജോലി നോക്കുകയാണ്.
