സാധാരണ ശരീരഭാരവുമായി മെലിഞ്ഞ് ഇരുന്ന യുവാവ് ആരും തിരിച്ചറിയാന് പറ്റാത്ത വിധത്തില് ഉരുക്കു ശരീരവുമായി വന്നാല് പരിചയമുള്ളവര് എന്തായാലും അമ്പരക്കും. അമേരിക്കന് സ്വദേശിയായ ക്രെയ്ഗ് ഗോലിയാസ് എന്ന 37-കാരനും ഇത്തരത്തില് ആളുകളെ ഞെട്ടിപ്പിക്കുക തന്നെയായിരുന്നു. തന്റെ ഇരുപതാം വയസില് വെറും 68 കിലോ ഭാരം മാത്രമായിരുന്നു ഇദ്ദേഹത്തിന് ഉണ്ടായിരുന്നത്. ഇന്ന് 159 കിലോഗ്രാം ഭാരവുമായി കിടിലന് ഒരു ബോഡി ബില്ഡറായി എത്തുകയായിരുന്നു ക്രെയ്ഗ്.
പതിനേഴ് വര്ഷത്തെ കഠിനാധ്വാനത്തിന്റെ ഫലമായാണ് ക്രെയ്ഗ് ഇന്ന് കാണുന്ന രൂപത്തിലെത്തിയത്. മാത്രമല്ല ഇദ്ദേഹത്തിനെ ആളുകള് ഇപ്പോള് സ്നേഹത്തോടെ വിളിയ്ക്കുന്നത് ഹള്ക്കെന്നാണ്. ഇദ്ദേഹം തന്റെ ജിമ്മിലെ പ്രകടനങ്ങളുടെ ചിത്രങ്ങള് ഇന്സ്റ്റഗ്രാമില് പങ്കുവച്ചിരുന്നു. ഇതോടെ ഇദ്ദേഹത്തിന്റെ ഭക്ഷണ രീതികള് അറിയാനും വര്ക്കൗട്ടുകളെ കുറിച്ചും അറിയാനും നിരവധി പേരാണ് എത്തുന്നത്. സ്വന്തം ലക്ഷ്യത്തിലെത്താന് കഠിനമായി പരിശ്രമിക്കാനാണ് ഇദ്ദേഹം മറ്റുള്ളവരോടു പറയുന്നത്.
മുമ്പ് ശരീരസൗന്ദര്യ മത്സരങ്ങളിലെല്ലാം മത്സരിക്കാറുണ്ടായിരുന്ന ഗോലിയാസ് ഇപ്പോള് തന്റെ ആരാധകരുടെ ശരീരസൗന്ദര്യ, ആരോഗ്യ ലക്ഷ്യങ്ങള് നിറവേറ്റാന് സഹായിക്കാനായി ഓണ്ലൈന് പരിശീലനവും ആരംഭിച്ചിട്ടുണ്ട്. '' ഞാന് ഒരു ജീവിതത്തിനായി ഓണ്ലൈന് കോച്ചിംഗ് നടത്തുന്നു, ആളുകളെ പരിശീലിപ്പിക്കുകയും അവരുടെ ശാരീരിക ലക്ഷ്യങ്ങളില് എത്തിച്ചേരാന് സഹായിക്കുകയും ചെയ്യുന്നു,'' - ഇദ്ദേഹം മാധ്യമങ്ങളോടു പറഞ്ഞു. ചില ജോലികള് സ്വയം ചെയ്യാന് ഇദ്ദേഹത്തിന് കുറച്ച് പ്രയാസമുണ്ട്. ഷൂസിന്റെ ലെയ്സ് കെട്ടുക, സ്റ്റെപ്പ് കയറുക എന്നതൊക്കെ ഇദ്ദേഹത്തെ സംബന്ധിച്ച് കുറച്ച് ബുദ്ധിമുട്ട് ഉള്ള ജോലി തന്നെയാണ്.
എന്നാല്, ഇത്ര പെട്ടെന്ന് ഇദ്ദേഹം ഇങ്ങനെ മസില് പെരുപ്പിച്ചത് സ്റ്റിറോയിഡുകള് ഉപയോഗിച്ചാണെന്നാണ് ചിലര് ആരോപിക്കുന്നത്. അല്ലെങ്കില് ഇങ്ങനെയൊരു മാറ്റം നടക്കില്ലെന്ന് അവര് പറയുന്നു. ഇദ്ദേഹത്തിന്റെ ചിത്രങ്ങളുടെയും വാര്ത്തകളുടെയും കമന്റ് ബോക്സുകളില് നിരവധി പേരാണ് വിമര്ശനവുമായി എത്തുന്നത്. ഈ സ്റ്റിറോയിഡുകളുടെ ഉപയോഗം ഭാവിയില് ഹൃദ്രാഗങ്ങള്ക്കു കാരണമാകും, സ്വന്തം ജീവന് വച്ചാണ് ഇയാള് കളിക്കുന്നത്' - തുടങ്ങിയ വിമര്ശനങ്ങളാണ് ആരാധകരുടെ ഭാഗത്ത് നിന്നും ഉണ്ടാകുന്നുണ്ട്.
