കറാച്ചി: പാകിസ്താന് മുന് മുഖ്യമന്ത്രിയുടെ മകളെയും ഭര്ത്താവിനെയും അറസ്റ്റ് ചെയ്യാനുള്ള നിര്ദേശത്തില് ഒപ്പിടുവിക്കാന് സിന്ധിലെ പോലീസ് ഉന്നതനെ തട്ടിക്കൊണ്ടു പോയി എന്ന ആരോപണത്തില് സൈനീക അന്വേഷണത്തിന് ഉത്തരവിട്ട് പാക് സൈന്യം.
പാകിസ്താന് സൈനിക തലവന് ജനറല് ഖാമര് ജാവേദ് ബജ്വയാണ് ഉത്തരവിട്ടത്. പാകിസ്താന് മൂന് പ്രധാനമന്ത്രി നവാസ് ഷെരീഫിന്റെ മരുമകന് മുഹമ്മദ് സഫ്ദര് അവനെ അറസ്റ്റ് ചെയ്യാനുള്ള ഓര്ഡറില് ഒപ്പിടുവിക്കാന് വേണ്ടി പാരാ മിലിട്ടറി റേഞ്ചേഴ്സ് ഫോഴ്സ് ആണ് ഉദ്യോഗസ്ഥനെ തട്ടിക്കൊണ്ടു പോയതെന്നാണ് ആരോപണം. അവാനെ തിങ്കളാഴ്ച പഞ്ചാബ് പോലീസ് അറസ്റ്റ് ചെയ്തിരുന്നു.
അവാന് താമസിച്ചിരുന്നു കറാച്ചിയിലെ ഹോട്ടലില് അതിക്രമിച്ച കയറിയായിരുന്നു അറസ്റ്റ് ചെയ്തത്. അവാന്റെ ഭാര്യയും പിഎംഎല് വൈസ് പ്രസിഡന്റുമായ മരിയം ഷെരീഫ് പാക് പ്രതിപക്ഷ കക്ഷികളായ പാകിസ്താന് ഡെമോക്രാറ്റിക് മൂവ്മെന്റുമായി ചേര്ന്ന് കറാച്ചിയില് വന് റാലി നടത്തിയതിന് പിന്നാലെ ആയിരുന്നു അറസ്റ്റ്. മുഹമ്മദാലി ജിന്നയുടെ ശവകുടീരത്തിന് മുന്നില് മുദ്രാവാക്യം വിളിച്ചതിന് അവാനും മരിയം ഉള്പ്പെടെ 200 പേര്ക്കും എതിരേ കേസുകള് കെട്ടിച്ചമയ്ക്കാനും അറസ്റ്റ ചെയ്യാനുള്ള ഓര്ഡറില് ഒപ്പിടുവിക്കാനുമായി പഞ്ചാബ് പോലീസ് തലവനെ പാകിസ്താന് അര്ദ്ധ സൈനിക വിഭാഗം തട്ടിക്കൊണ്ടു പോയെന്നാണ് ആരോപണം.
പോലീസ് ഉന്നതനെ തന്നെ തട്ടിക്കൊണ്ടു പോയ സംഭവം പോലീസിനെ മോശക്കാരാക്കി മാറ്റുമെന്ന് ആരോപിച്ച് പോലീസ് ചീഫ് അടക്കം പ്രവിശ്യ പോലീസിലെ 20 സീനിയര് ഉദ്യോഗസ്ഥര് ലീവില് പോകുമെന്ന് ഭീഷണിപ്പെടുത്തിയിരുന്നു. ഇവര് പ്രതിഷേധത്തിനായി ഇറങ്ങാന് തീരുമാനം എടുത്തതോടെയാണ് അന്വേഷണം പ്രഖ്യാപിച്ചത്. ഇതോടെ എല്ലാവരും ലീവ് ആപ്ലിക്കേഷനും പിന്വലിച്ചിട്ടുണ്ട്. ഇമ്രാന്ഖാന് സര്ക്കാരിനെതിരേ പിഡിഎമ്മിന്റെ പ്രതിഷേധ റാലിയില് മരിയം പങ്കെടുത്ത് മണിക്കൂറുകള് കഴിഞ്ഞപ്പോഴാണ് അവാന്റെ അറസ്റ്റും നടന്നത്.
ഹോട്ടലിലെ തന്റെ മുറിയുടെ വാതില് ചവിട്ടി ത്തുറന്നാണ് സഫ്ദറിനെ അറസ്റ്റ് ചെയ്തതെന്ന് മരിയം പിന്നീട് ട്വീറ്റ് ചെയ്തു. കറാച്ചിയിലെ ജിന്നയുടെ ശവകുടീരത്തില് നിയമലംഘനം നടത്തിയെന്നാണ് സഫ്ദറിനെതരേ ചുമറ്റിയിട്ടുള്ള കുറ്റം. മരിയത്തിനും സഫ്ദറിനും എതിരേ പ്രധാനമന്ത്രി ഇമ്രാന് ഖാന്റെ രാഷ്ട്രീയ പാര്ട്ടിയായ തെഹ്രിക് ഇ ഇന്സാഫ് പ്രവര്ത്തകന് കുരാം ഷെര്സാമാന് നല്കിയ പരാതിയിലാണ് പോലീസ് നടപടിയ്ക്ക് ഒരുങ്ങിയിരിക്കുന്നത്. ജിന്നയുടെ ശവകുടീരത്തിന് മുന്നില് ഇമ്രാന് സര്ക്കാരിനെതിരേ മുദ്രാവാക്യം മുഴക്കിയത് പിടിഐ നേതാക്കളെ ചൊടിപ്പിച്ചിരുന്നു.
അതേസമയം ശവകുടീരത്തിന് സമീപം കറാച്ചിയിലെ ജിന്നാ ഗ്രൗണ്ടില് നടന്ന റാലിയില് മരിയം ഞായറാഴ്ച എത്തിയത് ജിന്നയുടെ ശവകുടീരത്തില് എത്തി പ്രാര്ത്്ഥന നടത്തിയ ശേഷമാണ് റാലി നടത്തിയത്.
