ഐപിഎല്ലില് ഇന്നലെ രാജസ്ഥാന് റോയല്സ് മുംബൈ ഇന്ത്യന്സിനെ എട്ട് റണ്സിന് മുട്ടുകുത്തിച്ചു. 196 റണ്സ് വിജയ ലക്ഷ്യം സ്റ്റോക്സിന്റെ സെഞ്ചുറിയിലും സഞ്ജുവിന്റെ അര്ധ സെഞ്ചുറിയിലും വളരെ എളുപ്പമായി രാജസ്ഥാന് മറികടന്നു. ഇപ്പോള് മത്സരത്തില് സ്റ്റോക്സിന്റെ ഇന്നിംഗ്സിനെ കുറിച്ച് ഡോ,. നെല്സണ് ജോസഫ് ഫേസ്ബുക്കില് കുറിച്ച വാക്കുകള് വൈറലാകുന്നു.
കുറിപ്പ്,
സ്റ്റോക്സിന് ഇത് പുതുമയുള്ള സംഭവമൊന്നുമല്ല. ഇതെന്ന് വച്ചാല്.....
എതിര് വശത്ത് മുംബൈ പോലൊരു ബൗളിങ്ങ് നിര. അവരുടേതായ ദിവസത്തില് ഏത് ബാറ്റിങ്ങ് ലൈനപ്പിനെയും ചുരുട്ടിക്കെട്ടാന് കെല്പുള്ള ഒന്ന്.
സ്വന്തം ടീം ലീഗില് ഏഴാം സ്ഥാനത്ത്. താന് ഔട്ടായിക്കഴിഞ്ഞാല് ബാക്കിയുള്ളോരില് എത്രപേര് ഒപ്പമുണ്ടാവുമെന്ന് വലിയ ഊഹമില്ല.
ഹാര്ദിക് പാണ്ഡ്യയുടെ വെടിക്കെട്ടുകൊണ്ട് ഉണ്ടായ ഇരുന്നൂറിനോടടുത്ത സ്കോര്..ഇതിലും വലിയ വെള്ളിയാഴ്ച വന്നിട്ട് പള്ളീല്പ്പോവാത്ത സ്റ്റോക്സിന് ഇതൊക്കെ യെന്ത് !!
ഓര്മയില്ലേ ലോകകപ്പ് ഫൈനല്? 86 റണ്സിന് നാലു വിക്കറ്റ് പോയ ഇംഗ്ലണ്ടിനെ ഒരറ്റത്ത് നിന്ന് പൊരുതി അവസാന ഓവറില് പത്തിനു മുകളില് റണ് സ്കോര് ചെയ്ത് കട്ടയ്ക്ക് കട്ടെ നിറുത്തിയത്..
ഹെഡിങ്ങ്ലി ലീഡ്സ് ടെസ്റ്റ്...എതിരാളികള് ഓസ്ട്രേലിയ. ഒന്നാമിന്നിങ്ങ്സില് 67 റണ്ണിന് ഓള് ഔട്ടായ ഇംഗ്ലണ്ടിന് നേര്ക്ക് ഓസീസ് വച്ചു നീട്ടിയ ലക്ഷ്യം 359 റണ്. എട്ടാമനായി ആര്ച്ചറും ഒന്പതാമനായി ബ്രോഡും ഒരേ സ്കോറില് കൂടാരം കയറുമ്പൊ സ്കോര് ബോര്ഡില് 286 റണ് മാത്രം.
വിജയം അപ്പൊഴും 74 റണ് അകലെയാണ്. വിജയത്തെക്കാള് അടുത്ത് പരാജയമാണ്. ഒരൊറ്റ വിക്കറ്റിന്റെ മാത്രം ദൂരം..
പതിനൊന്നാമനെ ഒപ്പം നിറുത്തി അവിടെ സ്റ്റോക്സ് നടത്തുന്നൊരു പോരാട്ടമുണ്ട്..
ഓസ്ട്രേലിയയുടെ ബൗളര്മാരെ ഓരോരുത്തരെയായി നേരിട്ട്, പതിനൊന്നാമനെ ഒരറ്റത്ത് നിറുത്തി ഏഴ് സിക്സറുകളും നാലു ബൗണ്ടറികളും കൊണ്ട് പിന്നീട് വേണ്ടിയിരുന്ന 74 റണ്ണില് ഒരു റണ്ണൊഴികെ ബാക്കി മുഴുവനും ഒറ്റയ്ക്ക് അടിച്ചെടുത്ത് സെഞ്ചുറിയും വിജയവും ഓസീസിന്റെ കയ്യില് നിന്ന് തട്ടിപ്പറിച്ചെടുക്കുന്നൊരു കളി...
അത് വച്ച് നോക്കുമ്പൊ ഇതൊക്കെ യെന്ത്.....
ഇന്ന് ഒപ്പം ഒന്ന് മനസ് വച്ചാല് പിടിച്ച് നിന്ന് നല്ല സുന്ദരം ഇന്നിങ്ങ്സ് കളിക്കാന് കഴിവും പ്രതിഭയുമുള്ള സഞ്ജു സാംസണുണ്ടായിരുന്നത് ഒരു അധിക നേട്ടമായിരുന്നെന്ന് മാത്രം..
ബ്രില്യന്റ് ഇന്നിങ്ങ്സ്.
