ആദ്യ തെരഞ്ഞെടുപ്പു ഫലം ജോ ബൈഡനു സമ്മാനിച്ച സന്തോഷം തീരുംമുമ്പേ തേടിയെത്തിയത് ദുരന്തം. 1972 ല് ഡെലവേറില്നിന്നു സെനറ്റിലേക്ക് തെരഞ്ഞെടുക്കപ്പെട്ട് ദിവസങ്ങള്ക്കകമായിരുന്നു ഭാര്യ നെയ്ലയും മക്കളും കാറപകടത്തില്പ്പെട്ടത്. നെയ്ലയും ഇളയമകള് നവോമിയും മരിച്ചു. മക്കളായ ബോയ്ക്കും ഹന്ടറിനും ഗുരുതരമായി പരുക്കേല്ക്കുകയും ചെയ്തു. ബോയുടെ ആശുപത്രിക്കിടയ്ക്കു സമീപം നിന്നാണ് ബൈഡന് സത്യപ്രതിജ്ഞയെടുത്ത ബൈഡന് ആത്ഹത്യയെക്കുറിച്ച് ചിന്തിച്ചപ്പോള് പിന്തിരിപ്പിച്ചത് ബോ ആയിരുന്നു.
ഐറിഷ് വംശജരായ മാതാപിതാക്കളുടെ മകനായി 1942 ലാണു ജോസഫ് ആര്. ബൈഡന് എന്ന ജോ ബൈഡന്റെ ജനനം. പിതാവ് യൂസ്ഡ് കാര് സെയില്സ്മാനായിരുന്നു. സാമ്പത്തിക ബുദ്ധിമുട്ട് കാരണം മുത്തച്ഛനൊപ്പമായിരുന്നു ജോ കഴിഞ്ഞത്. 1964 ല് ഇംഗ്ലിഷിലും രാഷ്ട്രമീമാംസയിലും ഡിഗ്രിയെടുത്തു. 1968 ല് നിയമബിരുദം ലഭിച്ചു.
തൊട്ടടുത്ത വര്ഷം നെയ്ലയുമായി വിവാഹം. ബോ, റോബര്ട്ട്, നവോമി എന്നിവര് മക്കള്. 1972 ല് 29-ാം വയസില് സെനറ്റിലെത്തി. നെയ്ലയുടെ മരണത്തെത്തുടര്ന്ന് 1977ല് ജില് ജേക്കബ്സിനെ വിവഹം ചെയ്തു. ആ ബന്ധത്തില് ഒരു മകളുണ്ട്- ആഷ്ലി. 1988 ല് പ്രസിഡന്റ് തെരഞ്ഞെടപ്പില് ഡെമോക്രാറ്റുകളുടെ സ്ഥാനാര്ഥിയായെങ്കിലും റിപ്പബ്ലിക്കന് സ്ഥാനാര്ഥി ജോര്ജ് എച്ച്. ഡബ്ല്യു. ബുഷിനു മുന്നില് പരാജയപ്പെട്ടു.
1994 ലെ ക്രൈംബില്ലിനെ പിന്തുണച്ച അദ്ദേഹം പാര്ട്ടിയില് വിമതപക്ഷത്തെന്ന വിമര്ശനം നേടി. 2008 ല് ഒരിക്കല്ക്കൂടി പ്രസിഡന്റ് പദത്തിനുശ്രമിച്ചു. എന്നാല്, പാര്ട്ടിയില് പിന്തുണ കിട്ടിയത് ബരാക് ഒബാമയ്ക്കായിരുന്നു. പിന്നീട് ഒബാമ തന്നെയാണ് അദ്ദേഹത്തെ വൈസ് പ്രസിഡന്റ് സ്ഥാനത്തേക്കു നിര്ദേശിച്ചത്. അടുത്ത തെരഞ്ഞെടുപ്പിലും ഒബാമ അദ്ദേഹത്തെ കൂടെക്കൂട്ടി. മകന് ബോയുടെ മരണത്തെത്തുടര്ന്ന 2016 ലെ പ്രസിഡന്റ് തെരഞ്ഞെടുപ്പില്നിന്നു വിട്ടുനിന്നു.
