കോഴിക്കോട്: അഴീക്കോട് എംഎല്എയും മുസ്ലീം ലീഗ് നേതാവുമായ കെ.എം.ഷാജിയുടെ ഭാര്യ ആശ കോഴിക്കോട്ടെ ഇഡി ഓഫീസില് മൊഴി നല്കാനെത്തി. അനധികൃത സ്വത്ത് സമ്പാദന കേസില് ഇഡി ആവശ്യപ്പെട്ട പ്രകാരമാണ് ഷാജിയുടെ ഭാര്യ ഇഡി ഓഫീസിലേക്ക് മൊഴി കൊടുക്കാനായി എത്തിയത്.
ഇഡിയുടെ നിര്ദേശപ്രകാരം വീട്ടില് പരിശോധന നടത്തിയ നഗരസഭ അധികൃതര് അനുവദനീയമായതിലും അധികം വലിപ്പം വീടിനുണ്ടെന്ന് കണ്ടെത്തുകയും തുടര്ന്ന് വീട് പൊളിച്ചു കളയാന് നോട്ടീസ് നല്കുകയും ചെയ്തിരുന്നു.
കെ.എം ഷാജിക്കെതിരായ പ്ലസ് ടു കോഴ പരാതിയില് പി.എസ്.സി മുന് അംഗവും ലീഗ് നേതാവുമായ ടി.ടി ഇസ്മയിലിന്റെ മൊഴി എന്ഫോഴ്സ്മെന്റ് ഡയറക്ടറേറ്റ് ഉദ്യോഗസ്ഥര് നേരത്തെ രേഖപ്പെടുത്തിയിരുന്നു.
