മുംബൈ: ഇന്്റീരിയര് ഡിസൈനറുടെ ആത്മഹത്യയില് അറസ്റ്റിലായ റിപ്പബ്ലിക് ടി.വി പ്രമോട്ടര് അര്ണാബ് ഗോസ്വാമിയെ പിന്തുണച്ച് മഹാരാഷ്ട്രാ ഗവര്ണര് ഭഗത് സിംഗ് കോഷിയാരി. അര്ണാബ് ഗോസ്വാമിയുടെ സുരക്ഷയിലും ആരോഗ്യത്തിലും ആശങ്കയുണ്ടെന്ന് ഗവര്ണര് മഹാരാഷ്ട്ര ആഭ്യന്തര മന്ത്രി അനില് ദേശ്മുഖിനെ അറിയിച്ചു. ഗോസ്വാമിയെ കാണാന് കുടുംബാംഗങ്ങളെ അനുവദിക്കണമെന്നും ഗവര്ണര് ആവശ്യപ്പെട്ടു.
റിപ്പബ്ലിക് ടി.വിയുടെ ഇന്റ്ീരിയര് ചെയ്തതിന്െ്റ പ്രതിഫലമായ അഞ്ചരക്കോടി രൂപ നല്കാത്തതിനെ തുടര്ന്ന് അന്വി നായിക്ക് എന്നയാള് ആത്മഹത്യ ചെയ്ത കേസിലാണ് അര്ണാബ് ഗോസ്വാമിയെ കഴിഞ്ഞ ബുധനാഴ്ച അറസ്റ്റ് ചെയ്തത്. ആലിബാഗ് ജയിലിന്െ്റ ക്വാറന്്റീന് കേന്ദ്രമായി പ്രവര്ത്തിച്ചിരുന്ന സ്കൂളില് പാര്പ്പിച്ചിരുന്ന അര്ണാബിനെ ഇന്നലെ സെന്ട്രല് ജയിലിലേക്ക് മാറ്റിയിരുന്നു.
2018ലെ കേസില് മഹാരാഷ്ട്രയിലെ മുന് ബി.ജെ.പി സര്ക്കാര് അര്ണാബ് ഗോസ്വാമിയെ സംരക്ഷിച്ചുവരികയായിരുന്നു. ആത്മഹത്യാക്കുറിപ്പില് അര്ണാബിന്െ്റ പേര് പരാമര്ശിച്ചിട്ടും യാതൊരു നടപടിയും പോലീസ് സ്വീകരിച്ചിരുന്നില്ല. ഇതിനിടെയാണ് മഹാരാഷ്ട്രാ പോലീസ് അര്ണാബ് ഗോസ്വാമിയെ അറസ്റ്റ് ചെയ്തത്. അറസ്റ്റിനെ തുടര്ന്ന് അര്ണാബ് ഗോസ്വാമിയെ പിന്തുണച്ച കേന്ദ്ര ആഭ്യന്തര മന്ത്രി അമിത് ഷാ മുതലുള്ള ബി.ജെ.പി നേതാക്കള് രംഗത്ത് വന്നിരുന്നു.
Comments