ന്യൂഡല്ഹി: എട്ടാം ക്ലാസ്സ് വിദ്യാഭ്യാസം, കുറ്റകൃത്യങ്ങളില് അധോലോക നായകന് ദാവൂദ് ഇബ്രാഹീം ആരാധനാപാത്രം 12 വര്ഷത്തോളം ഡല്ഹി കേന്ദ്രീകരിച്ച് അനേകം കുറ്റകൃത്യങ്ങള് നടത്തിയിരുന്ന ഡല്ഹിയെ വിറപ്പിച്ച അധോലോക നായകന് ഹാഷിം ബാബ ഒടുവില് പോലീസ് പിടിയില്. തലസ്ഥാനത്തെ പല കുറ്റകൃത്യങ്ങള്ക്കും പിന്നിലുള്ള ഹാഷീമിനെ ഇന്നലെ പുലര്ച്ചയോടെ പോലീസ് അറസ്റ്റ് ചെയ്തു.
ആസൂത്രിതമായ നീക്കത്തിലൂടെയാണ് ഈ കൊടും കുറ്റവാളിയെ കീഴ്പ്പെടുത്താന് സാധിച്ചതെന്ന് പോലീസ് പറയുന്നു. അറസ്റ്റു ചെയ്യുമ്പോള് ഹാഷിമിന്റെ പക്കല് നിന്നും ആറ് ലക്ഷം രൂപയാണ് കണ്ടെടുത്തത്. ഡല്ഹിയില് നടക്കുന്ന പല കുറ്റകൃത്യങ്ങള്ക്കും പിന്നില് പ്രവര്ത്തിക്കുന്നത് ഹാഷീമാണെന്ന് കണ്ടെത്തിയിട്ടും ഇയാളെ പോലീസിന് പിടിക്കാനായിരുന്നില്ല. 12 വര്ഷത്തില് അസിം പങ്കാളിയായ നിരവധി കുറ്റകൃത്യങ്ങളാണ് ഡല്ഹി കേന്ദ്രീകരിച്ച് നടന്നിട്ടുള്ളത്.
തെളിവുകള് ഉണ്ടെങ്കില് തന്നെയും പോലീസിന് ചെന്നെത്താന് കഴിയാത്തത്ര ഉയരങ്ങളിലായിരുന്നു അസീം. 25-ാം വയസ്സിലാണ് അസ്സിം അധോലോകത്തിലേയ്ക്കെത്തുന്നത്. ഡല്ഹിക്കു പുറത്തുനിന്നുള്ള ഒരാളായിരുന്നെങ്കിലും ആ പരിമിതിയെ അസിം വളരെ വേഗത്തില് മറികടന്നു. സുഹൃത് വലയങ്ങള് സ്ഥാപിക്കാനും തനിയ്ക്കെതിരെ ഉയരുന്ന എതിര് ശബ്ദങ്ങളെ അടിച്ചമര്ത്താനും അയാള് പ്രാപ്തി നേടി.
എട്ടാം ക്ലാസില്വെച്ച് പഠനം അവസാനിപ്പിച്ച അസിം വടക്കു കിഴക്കന് ഡല്ഹിയില് മെഹര്ബാന്റെ നിയന്ത്രണത്തിലുള്ള ചൂതാട്ട കേന്ദ്രത്തിലാണ് ജോലി നോക്കിയിരുന്നത്. ഒരിയ്ക്കല് മെഹബാന്റെ സഹായിയായ കാലുവിനെ അസിം സുഹൃത്തുക്കളുമായി ചേര്ന്ന് വെടിവെച്ചു. ഈ സംഭവത്തോടെ അസിം മറ്റ് കുറ്റവാളി നേതാക്കളുടെ ശ്രദ്ധപിടിച്ചുപറ്റി. അവിടെ നിന്നായിരുന്നു അസിം എന്ന ഹാഷിം ബാബയുടെ വളര്ച്ച. പ്രാദേശിക നേതാക്കളുടേയും ജനങ്ങളുടേയും ഇഷ്ടം പിടിച്ചുപറ്റിയതോടെ അവരുടെ പിന്തുണയോടെ ഗ്യാങ്സ്റ്ററായി മാറുകയായിരുന്നു.
അധോലോക നേതാവ് ദാവൂദ് ഇബ്രാഹിമ്മിന്റേയും സിനിമാ താരം സഞ്ജയ് ദത്തിന്റേയും വലിയ ആരാധകന് കൂടിയായ അസിം ഡോണായതോടെ തന്റെ പേര് ഹാഷിം ബാബ എന്നാക്കി മാറ്റി. 2011ല് വടക്കുകിഴക്കന് ഡല്ഹിയില് നടന്ന ഗ്യാങ് വാര് വീണ്ടും ഡല്ഹിയുടെ ക്രമസമാധാനം തകര്ത്തപ്പോള് അതിന് പിന്നില് ഹാഷീം ബാബ ഉണ്ടായിരുന്നു.
ഡല്ഹിയിലെ പ്രാദേശിക വ്യവസായിയുടെ മകളെ ഹാഷിമിന്റെ കൂട്ടത്തില്പ്പെട്ടവര് കടത്തിയിരുന്നു. പെണ്കുട്ടിയുടെ പിതാവ് മകളെ രക്ഷിക്കണമെന്ന് ആവശ്യപ്പെട്ട് സമീപിച്ചത് മറ്റൊരു ഗുണ്ട അഖില് മാമയെ. ഇരു ഗ്യാങ്ങുകളും തമ്മിലുണ്ടായ സംഘര്ഷം കുറേകാലത്തേയ്ക്ക് ഡല്ഹിയുടെ അന്തരീക്ഷം കലുഷിതമാക്കി. രണ്ടു മാസങ്ങള്ക്കു മുന്പ് അഖില് മാമയെ ഹാഷിം വെടിവെച്ചു കൊന്നു. എന്നാല് അഖില് മാമയുടെ സഹോദരന് ഹാഷിമിനെതിരെ മൊഴി നല്കിയിട്ടും പോലീസിന് നിഷ്ക്രിയരായി നോക്കിനില്ക്കേണ്ടി വന്നു.
അതിനു ശേഷം നസീറിനൊപ്പം ചേര്ന്നു. നസീറിന്റെ അറസ്റ്റോടെ ഒരു വലിയ പ്രദേശം തന്നെ തന്റെ നിയന്ത്രണത്തിലാക്കി. 2019 ല് നസീര് ജയില് മോചിതനായെങ്കിലും തന്റെ സൈന്യം ഹാഷിമിന്റെ കൈക്കലാണെന്ന് തിരിച്ചറിഞ്ഞു. രണ്ടു മാസങ്ങള്ക്കു മുന്പ് നസീര് വീണ്ടും ജയിലിലായി. ഇപ്പോള് ഹാഷീമും ജയിലിലായതോടെ ഇരുവരും ഇപ്പോള് തീഹാര് ജയിലിലുണ്ട്. ഇതേ തുടര്ന്ന് കനത്ത സുരക്ഷയാണ് തീഹീര് ജയിലിന് നല്കിയിട്ടുള്ളതെന്ന് ഡി. സി. പി. കുഷ്വേര പറയുന്നു.
