കഴിഞ്ഞ ദിവസമാണ് യുപിയില് ആറ് വയസുള്ള പെണ്കുട്ടിയെ അതി ദാരുണമായി ബലാത്സംഗം ചെയ്ത് കൊലപ്പെടുത്തിയ വാര്ത്ത പുറത്തെത്തുന്നത്. കൊലപ്പെടുത്തിയ ശേഷം പെണ്കുട്ടിയുടെ കരള് തുരന്ന് എടുക്കുകയും ചെയ്തിരുന്നു. അതി ദാരുണമായ ഈ സംഭവത്തിന്റെ വാര്ത്തക്ക് താഴെ എത്തിയ ചില കമന്റുകള് ഇതിലും ദാരുണ ദുരന്തമാണെന്ന് പറയുകയാണ് ഡോ. നെല്സണ് ജോസഫ്. തന്റെ ഫേസ്ബുക്കില് പങ്കുവെച്ച കുറിപ്പിലൂടെയാണ് നെല്സണ് പ്രതികരിച്ചത്.
ഡോ. നെല്സണ് ജോസഫിന്റെ ഫേസ്ബുക്ക് കുറിപ്പ്;
ഇതിലും വലിയ ദുരന്തമൊന്നും ഇനി കാണാനില്ല..
ഉത്തര്പ്രദേശില് ആറ് വയസുകാരിയെ മന്ത്രവാദത്തിനായി ബലാത്സംഗം ചെയ്ത് കൊന്ന വാര്ത്തയുടെ ലിങ്ക് എങ്ങനെയോ മുന്നിലെത്തി.
അറിയാതെ അതിന്റെ കമന്റ് സെക്ഷനൊന്ന് നോക്കിപ്പോയി.
ഉത്തരേന്ത്യ മാത്രമാണോ നിങ്ങളുടെ പ്രശ്നമെന്ന് ചോദിക്കുന്നയാള്..
ഒരു കുഞ്ഞിനെ നിഷ്ഠൂരമായി കൊലപ്പെടുത്തിയതൊന്നും ഒന്നുമേയല്ല, ഉത്തരേന്ത്യയെക്കുറിച്ച് പറഞ്ഞതാണ് അയാളുടെ പ്രശ്നം.
അതിലും വലുത് തൊട്ട് താഴെയുണ്ടായിരുന്നു. അതിലും വലിയ ന്യായീകരണവുമായിട്ട്..
കേരളത്തിലും ദുര്മന്ത്രവാദമുണ്ടായിരുന്നെന്ന് തുടങ്ങി പി.പി.ഇ കിറ്റ് ഇട്ട് കൊവിഡ് രോഗിയെ ആക്രമിക്കാന് ശ്രമിച്ചെന്ന് അവസാനിക്കുന്ന കമന്റ്.
പ്രൊഫൈല് ഒരു വനിതയുടേതാണെന്ന് കണ്ടപ്പൊ ഞെട്ടല് പൂര്ണമായി.
പിന്നെ കൂടുതലൊന്നും വായിക്കാന് നിന്നില്ല..
മതിയായി.. ഹോ !!
