കൊച്ചി: പാലാരിവട്ടം പാലം അഴിമതി കേസില് മുന്പൊതുമരാമത്ത് മന്ത്രി വി.കെ ഇബ്രാഹിം കുഞ്ഞിന് ഒഴിഞ്ഞുമാറാന് കഴിയില്ലെന്ന് കോടതി നിരീക്ഷണം. ഇബ്രാഹിം കുഞ്ഞ് റോഡ് ഫണ്ട് ബോര്ഡ് ഉപാധ്യക്ഷനായിരുന്നു. ബോര്ഡ് അനുവദിച്ച ഫണ്ടില് നിന്ന് ഒഴിഞ്ഞുമാറാന് കഴിയില്ല. ഇബ്രാഹിംകുഞ്ഞിന്റെ ആരോഗ്യസ്ഥിതി വിലയിരുത്താന് മെഡിക്കല് ബോര്ഡ് രൂപീകരിക്കണമെന്നും കോടതി നിര്ദേശിച്ചു.
ഇബ്രാഹിം കുഞ്ഞിന്റെ കസ്റ്റഡി, ജാമ്യാപേക്ഷകള് കോടതി ചൊവ്വാഴ്ച പരിഗണിക്കാന് മാറ്റി. താന് കോഴ വാങ്ങിയിട്ടില്ലെന്ന് ഇബ്രാഹിം കുഞ്ഞ് ജാമ്യാപേക്ഷയില് പറയുന്നു. എന്നാല് ഇബ്രാഹിംകുഞ്ഞ് അന്വേഷണത്തോട് സഹകരിക്കുന്നില്ലെന്നും സാമ്പത്തിക നേട്ടമുണ്ടാക്കിയെന്നും സര്ക്കാരിന് നഷ്ടമുണ്ടാക്കിയെന്നും വിജിലന്സ് കസ്റ്റഡി അപേക്ഷയില് ചൂണ്ടിക്കാട്ടുന്നു.
അതേസമയം, കേസില് വ്യവസായ സെക്രട്ടറി മുഹമ്മദ് ഹനീഷിനെ വിജിലന്സ് പ്രതിചേര്ത്തു. കേസില് പത്താം പ്രതിയാണ് മുഹമ്മദ് ഹനീഷ് ഐ.എ.എസ്. സംഭവ സമയത്ത് റോഡ്സ് ആന്റ് ബ്രിഡ്ജ്സ് ഡെവലപ്മെന്റ് കോര്പറേഷന് ഡയറക്ടറായിരുന്നു മുഹമ്മദ് ഹനീഷ്. പാലാരിവട്ടം പാലം നിര്മ്മാണ ചുമതല കോര്പറേഷനായിരുന്നു.
