ന്യൂഡല്ഹി: അമേരിക്ക വൈസ് പ്രസിഡന്റ് സ്ഥാനത്തേക്ക് ഇതാദ്യമായി കമലാഹാരീസിലൂടെ ഒുര വൈസ് പ്രസിഡന്റിനെ തെരഞ്ഞെടുത്തെങ്കില് ഇന്ത്യ ഇക്കാര്യത്തില് ഏറെ മുമ്പേ സഞ്ചരിച്ചവരാണെന്നും 50 വര്ഷം മുമ്പ് അവര് ഇന്ദിരാഗാന്ധിയെ പ്രധാനമന്ത്രിയായി തെരഞ്ഞെടുത്തെന്നും കോണ്ഗ്രസ് നേതാവ് പ്രിയങ്കാഗാന്ധി. ഇന്ദിരയുടെ ജന്മദിനത്തില് ട്വിറ്ററില് നടത്തിയ കുറിപ്പിലാണ് പ്രിയങ്കാഗാന്ധി ഇക്കാര്യം വ്യക്തമാക്കിയത്.
ഇന്ദിരാഗാന്ധിയുടെ ധൈര്യവും കരുത്തും ലോകത്തുടനീളമുള്ള സ്ത്രീകള്ക്ക് പ്രചോദനമാണെന്നും പറഞ്ഞു. 1917 നവംബര് 19 ന് ജനിച്ച ഇന്ദിരാഗാന്ധി 1966 മുതല് 1977 മാര്ച്ച് വരെയും വീണ്ടും 1980 ജനുവരിയില് വീണ്ടും ചുമതലയേറ്റ് 1984 ഒക്ടോബറില് മരണമടയുന്നത് വരെ തുടരുകയും ചെയ്തു.
ഇന്ദിരാഗാന്ധിയുടെ ജന്മദിനത്തില് അവര്ക്ക ആദരം അര്പ്പിച്ചായിരുന്നു പ്രിയങ്കയുടെ ട്വീറ്റ്. ബീഹാറില് തെരഞ്ഞെടുപ്പ് പ്രചരണത്തിന് എത്താതിരുന്നതിന്റെ പേരില് വിമര്ശനം നേരിടുകയാണ് പ്രിയങ്ക.
ഉത്തര്പ്രദേശിന്റെ ചുമതലയുള്ള പ്രിയങ്ക ബീഹാറില് മൂന്ന് ഘട്ടങ്ങളിലായി നടന്ന തെരഞ്ഞെടുപ്പില് പങ്കെടുക്കാനെത്തിയിരുന്നില്ല. ബീഹാര് തെരഞ്ഞെടുപ്പ് പ്രചരണത്തിനായി കോണ്ഗ്രസ് ചുമതല നല്കിയ 30 നക്ഷത്ര പ്രചാരകരില് ഒരാളായിരുന്നു പ്രിയങ്ക.
ബീഹാറിലെ ഒട്ടേറെ നേതാക്കളാണ് പ്രിയങ്കയെ പ്രചരണത്തിനായി ക്ഷണിച്ചിരുന്നെങ്കിലും പങ്കെടുത്തില്ല. അതേസമയം യുപിയിലെ ഉപ തെരഞ്ഞെടുപ്പ് പ്രചരണത്തിന്റെ തിരക്കായിരുന്നു പ്രിയങ്കയ്ക്ക്. ബീഹാറില് കോവിഡിന്റെ പശ്ചാത്തലത്തില് സോണിയയും മന്മോഹന് സിംഗും പ്രചരണം ഒഴിവാക്കിയിരുന്നു. 70 സീറ്റുകളില് മത്സരിച്ച കോണ്ഗ്രസ് 19 സീറ്റുകളില് മാത്രമാണ് ജയിച്ചത്.
