തിരുവനന്തപുരം: നെയ്യാര് ഡാം സ്റ്റേഷനില് പരാതിയുമായി എത്തിയ ആളോട് മോശമായി പെരുമാറിയ സംഭവത്തില് ഗ്രേഡ് എ.എസ്.എ ഗോപന് വീഴ്ചപറ്റിയെന്ന് റിപ്പോര്ട്ട്. പോലീസിനാകെ നാണക്കേടുണ്ടാക്കിയ സംഭവമാണ്. പരാതിക്കാരന് പോലീസിനെ അസഭ്യം പറഞ്ഞുവെന്നതിന് വസ്തുതയില്ല. എ.എസ്.ഐ ഗോപന്് ആ കേസില് ഇടപെടേണ്ടിയിരുന്ന ആളുമല്ലായെന്നും ഡിഐജി , ഡി.ജി.പിക്ക് സമര്പ്പിച്ച റിപ്പോര്ട്ടില് പറയുന്നു.
സംഭവ സമയത്ത് ഗോപന് യൂണിമഫാമില് ആയിരുന്നില്ല. അതും വീഴ്ചയാണ്. മറ്റൊരു കേസുമായി ബന്ധപ്പെട്ട് അന്വേഷണത്തിനായി പുറത്തുപോയി വന്നപ്പോഴാണ് ഗോപന് വിഷയത്തില് ഇടപെട്ടത്. ഈ കേസ് കൈകാര്യം ചെയ്തിരുന്നത് എസ്.ഐ ആയിരുന്നു. എസ്.ഐ സ്റ്റേഷനിലുണ്ടായിരിക്കേയാണ് എ.എസ്.ഐയുടെ മോശം പെരുമാറ്റം. മറ്റ് പോലീസുകാരുടെ സാന്നിധ്യത്തില് നടന്ന ഈ സംഭവത്തില് മറ്റാര്ക്കെങ്കിലും അറിവുണ്ടായിരുന്നോയെന്നും പരിശോധിക്കണം.
എ.എസ്.ഐ ഗോപനെ ഇടുക്കി പോലീസ് ക്യാംപിലേക്ക് സ്ഥലം മാറ്റിയെങ്കിലും വകുപ്പുതല നടപടി വേണമെന്നും റിപ്പോര്ട്ടില് പറയുന്നു.
