കോട്ടയം : ജോസഫ് വിഭാഗം തകർന്നടിഞ്ഞുവെന്നും തദ്ദേശ തിരഞ്ഞെടുപ്പിൽ തിരിച്ചടി നേരിട്ടുവെന്നുമുള്ള പ്രചാരണം അടിസ്ഥാന രഹിതമാണെന്ന് കേരള കോൺഗ്രസ് (ജോസഫ്) വർക്കിങ് ചെയർമാൻ പി.ജെ. ജോസഫ്. 290 സീറ്റുകളിൽ ചെണ്ട ചിഹ്നത്തിൽ മത്സരിച്ചവർ വിജയിച്ചു.
‘ജോസഫ് വിഭാഗം തകർന്നടിഞ്ഞു’ എന്നു പറയുന്നവർ 290 സീറ്റുകളിലെ വിജയം പറയുന്നില്ല. കേരള കോൺഗ്രസ് (എം) 292 സീറ്റുകളാണ് നേടിയത്. രണ്ടിലയുമായി നേരിട്ട് മത്സരിച്ച സ്ഥലങ്ങളിൽ ഏറെയും ചെണ്ട ജയിച്ചുവെന്നും ജോസഫ് കൂട്ടിച്ചേര്ത്തു.
ചെണ്ട ചിഹ്നത്തിൽ മത്സരിച്ച സ്ഥാനാർഥികൾക്ക് പ്രത്യേകമായി സ്വീകരണം നൽകും. സംസ്ഥാനത്തെ എല്ലാ പ്രധാന ചെണ്ടക്കാരെയും അണിനിരത്തും. ചെണ്ട ഔദ്യോഗിക ചിഹ്നമാക്കണമെന്നാണ് ആലോചന. ആവശ്യമെങ്കിൽ നടൻ ജയറാമിനെ ബ്രാൻഡ് അംബാസഡറാക്കാനും ആലോചനയുണ്ടെന്നും ജോസഫ് പറഞ്ഞു.നിയോജകമണ്ഡലത്തിൽ 25 പേരെ വീതം ചെണ്ട പഠിപ്പിക്കുന്നതിനുള്ള ശ്രമങ്ങളും ആലോചനയിലുണ്ട്.
‘രണ്ടില പരാജയപ്പെട്ട ചിഹ്നമാണെന്നു തെളിഞ്ഞു. ഇനി വേണമെങ്കിൽ അത് ജോസ് കെ.മാണി കൊണ്ടുപോകട്ടെ’യെന്നും പി.ജെ.ജോസഫ് പറഞ്ഞു.
