മാവേലിക്കര: ലഹരിമരുന്ന് വില്പനയില് മുഖ്യസൂത്രധാരനായ ലിജു ഉമ്മന് ആവശ്യക്കാര്ക്ക് കഞ്ചാവ് എത്തിച്ചിരുന്നത് നിമ്മി എന്ന യുവതിയയും അവരുടെ രണ്ടു കുട്ടികളെയും മുന്നിര്ത്തി. ലിജു ഉമ്മന് സ്ഥിരമായി നിമമി താമസിക്കുന്ന വാടക വീട്ടില് എത്തുമായിരുന്നു ഭാര്യ ഭര്ത്താക്കന്മാരാണെന്നാണ് അയല്വാസികള് ധരിച്ചിരുന്നത്. ആഡംബരക്കാറില് യുവതിയെയും കുട്ടികളെയും കൂട്ടി യാത്ര ചെയ്യുമ്പോള് പോലീസ് ചെക്കിങ്ങില് നിന്ന് രക്ഷപ്പെടുമായിരുന്നു. ഈ അവസരം മുതലാക്കിയായിരുന്നു ലിജു ലഹരി കടത്തിയിരുന്നത്.
കഞ്ചാവും മറ്റും ശേഖരിച്ച ശേഷം ആവശ്യക്കാരെ കണ്ടെത്തുകയും അവരിലേക്ക് ലഹരി നിമ്മി വഴി എത്തിക്കുകയുമാണ് ചെയ്തിരുന്നത്. എന്നാല് സ്ത്രീ ഓടിക്കുന്ന കാര് എന്ന നിലയില് പരിശോധനയില് നിന്ന് നിന്നൊഴിവാക്കാന് കാരിയറയി നിമ്മിയെ ഉപയോഗിച്ചുവെന്നാണ് പോലീസിന്റെ നിഗമനം. ലിജു ഉമ്മനായി പോലീസ് തിരച്ചില് ശക്തമാക്കി.
നിമ്മിയുടെ ഭര്ത്താവ് വിദേശത്താണുള്ളത്. ഇദേഹവുമായി അകല്ച്ചയിലായിരുന്ന അവസരം മുതലെടുത്താണ് ലിജു ഇവരെ ലഹരി ഇടപാടുകള്ക്കായി ഉപയഗിച്ചത്. രഹസ്യ വിവരത്തെ തുടര്ന്ന് ജില്ലാ പോലീസ് മേധാവിയുടെ നേതൃത്വത്തില് സ്പെഷല് സ്ക്വാഡ് സംഘം നടത്തിയ പരിശോധനയില് വീടിനുള്ളില് നിന്നും കാറില് നിന്നും 29 കിലോ കഞ്ചാവ്, നാലര ലിറ്റര് ചാരായം, 30 ലിറ്റര് കോട, വിവിധ സഞ്ചികളിലായി 1785 പാക്കറ്റ് നിരോധിത പുകയില ഉല്പന്നങ്ങള്, അടുക്കളയില് നിന്ന് വാറ്റുപകരണങ്ങള് എന്നിവയും പിടിച്ചെടുത്തു.
