ന്യൂഡല്ഹി: ഗുജറാത്തില് നടക്കാനിരിക്കുന്ന തദ്ദേശ സ്വയംഭരണ തിരഞ്ഞെടുപ്പില് എല്ലാ സീറ്റിലും മത്സരിക്കാന് തയ്യറായി ആം ആദ്മി പാര്ട്ടി. എഎപി എംഎല്എ അതിഷി മത്സരിക്കുന്ന 504 സ്ഥാനാര്ഥികളുടെ ആദ്യഘട്ട പട്ടിക പുറത്തുവിട്ടു. ഗുജറാത്തില് ശക്തമായ ബദല് ആകാന് എഎപിക്ക് കഴിയുമെന്നും ബിജെപിയെ അധികാരത്തില് നിന്നും നീക്കുമെന്നും അവര് പറഞ്ഞു.
തദ്ദേശ തിരഞ്ഞെടുപ്പില് മാത്രമല്ല ഗുജറാത്ത് നിയമസഭാ തിരഞ്ഞെടുപ്പിലും മത്സരിക്കുമെന്നും എഎപി വ്യക്തമാക്കി. ഗുജറാത്തിലെ ജനങ്ങള് ബിജെപിക്ക് ബദല് ആഗ്രഹിക്കുന്നു. ഭീഷണിയുടെയും ഭയപ്പാടിന്റെയും രാഷ്ട്രീയമാണ് ബിജെപിയുടേത്. ബിജെപിയെ ഭയക്കാത്ത ഒരു നേതാവുണ്ടെങ്കില് അത് അരവിന്ദ് കെജ്രിവാളാണ്. ബിജെപിക്ക് ഭയപ്പെടാത്ത രാഷ്ട്രീയ പ്രസ്ഥാനമുണ്ടെങ്കില് അത് എഎപിയാണെന്നും അതിഷി പറഞ്ഞു.
ആം ആദ്മി സ്ഥാനാര്ഥികളെ കുറിച്ച് ജനങ്ങള്ക്ക് എന്തെങ്കിലും പരാതി ഉണ്ടെങ്കില് അത് അറിയിക്കാനായി പ്രത്യേക ഇ മെയില് വിലാസം ആരംഭിക്കും. അഴിമതി, കുറ്റകൃത്യം, സ്വഭാവദൂഷ്യം, തുടങ്ങിയ പരാതികള് സ്ഥാനാര്ഥികള്ക്കെതിരെ ഉണ്ടായാല് അവരെ മത്സരിപ്പിക്കില്ലെന്ന് എഎപി വാക്താവ് വ്യക്തമാക്കി.
