കോഴിക്കോട്: കത്തുവ-ഉന്നാവോ പീഡനത്തിന് ഇരയായവര്ക്ക് വേണ്ടി പിരിച്ച തുക പികെ ഫിറോസ് വകമാറ്റിയെന്ന് യൂത്ത് ലീഗില് ആരോപണം. സികെ സുബൈറിനും പി കെ ഫിറോസിനുമെതിരായാണ് ആരോപണം ഉയര്ന്നത്. യൂത്ത് ലീഗിന്റെ ദേശീയ സമിതി അംഗമായ യൂസഫ് പടനിലമാണ് പിരിച്ച തുക വകമാറ്റിയെന്ന് ആരോപണം ഉന്നയിച്ചത്. കത്തുവ-ഉന്നാവോ സംബവങ്ങളുമായി ബന്ധപ്പെട്ട് ഏപ്രില് 20 ന് പള്ളികളില് അടക്കം യൂത്ത് ലീഗ് പിരിവ് നടത്തിയിരുന്നു.
ഫണ്ട് പിരിവിന്റെ ഭാഗമായി യൂത്ത് ലീഗ് കോടിക്കമക്കിന് രൂപയാണ് പിരിച്ചത്. എന്നാല് ഇതുമായി ബന്ധപ്പെട്ട് യാതൊരുവിധ കണക്കുമില്ല. 15 ലക്ഷം രൂപ പികെ ഫിറോസിന്റെ യാത്രയുടെ കടം തീര്ക്കാന് ഉപയോഗിച്ചെന്നും സികെ സുബൈര് പല ഉത്തരേന്ത്യന് യാത്രകള് നടത്താന് ഈ ഫണ്ട് ദുര്വിനിയോഗം ചെയ്തുവെന്നാണ് യൂസഫ് പടനിലം ആരോപിക്കുന്നത്.
എന്നാല് ഇതു സംബന്ധിച്ച പ്രശ്നങ്ങള് പികെ കുഞ്ഞാലിക്കുട്ടിയടക്കം ഉള്ളവര്ക്കുമുന്നില് അവതിരിപ്പിച്ചിരുന്നു. ആരുമാസത്തിനുള്ളില് പ്രശ്നങ്ങള് പരിഹരിക്കുമെന്ന് കഴിഞ്ഞവര്ഷം തന്നെ പറഞ്ഞിരുന്നു. പ്രശ്നങ്ങള് പരിഹരിക്കാന് യാതൊരു വിധ നടപടിയും ഉണ്ടാകാത്തതുമൂലമാണ് പൊതുമാധ്യത്തിലെത്തുന്നതെന്ന് യൂസഫ് പറഞ്ഞു. അതേസമയം ഈ പ്രശ്നങ്ങള് പുറത്തുപറയാതിരിക്കാന് തനിക്കെതിരേ ഭീഷണികള് ഉണ്ടെന്നും യൂസഫ് പറഞ്ഞു.
