ന്യൂഡല്ഹി: കാര്ഷിക നിയമങ്ങള് പിന്വലിക്കാന് കേന്ദ്ര സര്ക്കാരിന് സമയം അനുവദിച്ച് കര്ഷക നേതാവ് രാകേഷ് ടിക്കായത്ത്. ഈ വര്ഷം ഒക്ടോബര്വരെയാണ് അനുവദിച്ചിരിക്കുന്ന പരമാവധി സമയം. ഇതിനുളളില് നിയമങ്ങള് പിന്വലിച്ചില്ലെങ്കില് 40 ലക്ഷം ട്രാക്ടറുകള് അണിനിരത്തി രാജ്യ വ്യാപക ട്രാക്ടര് റാലി നടത്തുമെന്നും രാകേഷ് ടിക്കായത്ത് മുന്നറിയിപ്പു നല്കി.
കര്ഷക സമരങ്ങള് നീട്ടിക്കോണ്ടുപോകുന്നത് രാജ്യത്തിന് നല്ലതല്ലെന്നും സമരം പാക്കിസ്ഥാന് ചൂഷണം ചെയ്യാന് സാധ്യതയുണ്ടെന്നും പഞ്ചാബ് മുഖ്യമന്ത്രി അമരീന്തര് സിംഗ് അഭിപ്രാപ്പെട്ടിരുന്നു. പാക്ക് ഭീകരതയെ ദുര്ബ്ബലമായി കാണാന് സാധിക്കില്ല. പ്രശ്നം കൂടുതല് വളഷാകുന്നതിനു മുന്പ് പരിഹരിക്കാന് ആവശ്യമായ നടപടികള് കേന്ദ്രം സ്വീകരിക്കണം. ഓപ്പറേഷന് ഓപ്പറേഷനിലേക്കു നയിച്ച സം്ഭവങ്ങള് മറക്കരുതെന്നും അമരീന്ദര് സിംഗ് പറഞ്ഞു.
കേന്ദ്ര സര്ക്കാര് പാസ്സാക്കിയ കാര്ഷിക നിയമങ്ങള് പിന്വലിക്കാന് തയ്യാറായില്ലെങ്കില് കര്ഷകരുടെ സമരം സമീപകാലത്തൊന്നും അവസാനിക്കില്ലെന്ന് ടികായത് നേരത്തെ വ്യക്തമാക്കിയിരുന്നു. നിയമം പിന്വലിക്കാതെ വീട്ടിലേക്ക് മടങ്ങില്ലെന്നാണ് ഞങ്ങളുടെ മുദ്രവാക്യം. പ്രതിഷേധം ഒക്ടോബറിന് മുന്പ് അവസാനിക്കില്ല. സമരം ചെയ്യുന്ന കര്ഷകര്ക്കെതിരെ പേലീസിന്റെയും ഭരണകൂടത്തിന്റേയും പീഡനം അവസാനിപ്പിക്കണം, അറസ്റ്റ് ചെയ്ത കര്ഷകരെ മോചിപ്പിക്കാന് തയ്യാറാകണം. കര്ഷകരെ മോചിപ്പിച്ചില്ലെങ്കില് സര്ക്കാരുമായി ഇനിയൊരു ഔദ്യോഗിക ചര്ച്ചയ്ക്കും തങ്ങള് തയ്യറാല്ലെന്ന് സംയുക്ത കിസാന് മോര്ച്ച വ്യക്തമാക്കിയിരുന്നു.
കാര്ഷിക നിയമങ്ങള് പിന്വലിക്കുന്നതുമായി ബന്ധപ്പെട്ട് പതിനൊന്നു വട്ടം കേന്ദ്രസര്ക്കാരും കര്ഷക സംഘടനകളും തമ്മില് ചര്ച്ച നടത്തിയിരുന്നു. എന്നാല് ഇവയെല്ലാം പരാജയപ്പെട്ടു. നിയമങ്ങള് പിന്വലിക്കാതെ കര്ഷകര് പിന്നോട്ടില്ലെന്നാണ് കര്ഷക സംഘടനകളുടെ നിലപാട്. റിപ്പബ്ലിക് ദിനത്തില് കര്ഷകര് സംഘടിപ്പിച്ച ട്രാക്ടര് റാലിയിലുണ്ടായ അക്രമങ്ങളില് അന്വേഷണം ആവശ്യപ്പെട്ടുള്ള ഹര്ജികള് സുപ്രീംകോടതി ഇന്നു പരിഗണിക്കും.
എന്നാല് പുതിയ കാര്ഷിക നിയമങ്ങള് കര്ഷകര്ക്ക് അവസരങ്ങള് തുറന്നുകൊടുക്കുമെന്ന് കേന്ദ്രം അവകാശപ്പെടുമ്പോഴും പാര്ലമെന്റ് പ്രക്ഷുബ്ധമാണ്. ഇന്നലെ വിഷയം ചര്ച്ചചെയ്യാന് അനുമതി നിഷേധിച്ചതിനെത്തുടര്ന്ന് പ്തിപക്ഷ ബഹളത്തില് ഇരുസഭകളും തടസ്സപ്പെട്ടു. ഇന്ന് വിഷയം ചര്ച്ചചെയ്യാ അനുമതി ലഭിച്ചിട്ടുണ്ട്.
