ചെന്നൈ: സ്ത്രീയേയും പുരുഷനേയും ഒന്നിച്ചൊരു മുറിയില് കണ്ടാല് അനാശാസ്യമാണെന്ന് പറയാന് കരുതാനാകില്ലെന്ന് മദ്രാസ് ഹൈക്കോടതി. അനാശാസ്യ ബന്ധം ആരോപിച്ച് ഉദ്യോഗസ്ഥനെ പിരിച്ചുവിട്ട ത്തരവ് തള്ളിക്കൊണ്ടാണ് ജസ്റ്റിസ് ആര്. സുരേഷ് കുമാറിന്റെ ഉത്തരവ്.
വനിതാ കോണ്സ്റ്റബിളിനൊപ്പം ഒരു മുറിയില് കശണ്ടത്തിയെന്ന് ാരോപിച്ച് സായുധ റിസര്വ് പോലീസ് കോണ്സ്റ്റബിളിനെ സര്വീസില് നിന്ന് പിരിച്ചുവിട്ട കേസ് പരിഗണിക്കവെയാണ് കോടതിയുടെ സുപ്രധാന പരാമര്ശം.
വനിതാ കോണ്സ്റ്റബിളിനൊപ്പം ക്വാര്ട്ടേഴ്സ് മുറിയില് ഒന്നിച്ചുകണ്ടുവെന്ന് ആരോപിച്ച് കോണ്സ്റ്റബിള് ശരവണ ബാബുവിനെതിരെയാണ് നടപടി സ്വീകരിച്ചത്. 1998 ലാണ് കേസിനാസ്പദമായ സംഭവം. കേസില് രണ്ട് കോണ്സ്റ്റബിള്മാരും തമ്മില് തെറ്റായ ബന്ധമുണ്ടെന്ന് തെളിയിക്കാന് ദൃക്സാക്ഷിയോ മറ്റേതെങ്കിലും വ്യക്തമായ തെളിവുകളോ ഇല്ലെന്ന വാദം ഹൈക്കോടതി ശരിവച്ചു.
