'വെള്ളം' സിനിമയുടെ വ്യാജ പതിപ്പ് ലോകമെമ്പാടും പ്രചരിപ്പിക്കുകയാണെന്ന് ചിത്രത്തിന്റെ നിര്മ്മാതാവ് മുരളി കുന്നുംപുറം. 114 തീയേറ്ററുകളില് നല്ല രീതിയില് ഓടിക്കൊണ്ടിരിക്കുന്ന മലയാള സിനിമയാണ് വെള്ളം, അതിനെ നശിപ്പിക്കാന് ഒരു കൂട്ടം ആള്ക്കാര് ശ്രമിച്ചുകൊണ്ടിരിക്കുകയാണെന്നും അദ്ദേഹം പറഞ്ഞു. മലയാള സിനിമയെ നശിപ്പിച്ചു കഴിഞ്ഞു. ഇനി ഇതിന് തിരിച്ചു വരാന് സാധിക്കില്ല. യൂട്യൂബിലാണ് സിനിമ ആദ്യം അപ്ലോഡ് ചെയ്തിട്ടുള്ളത്. കോഴിക്കോട് സ്വദേശിയാണ് ഒറിജിനല് പതിപ്പ് അപ്ലോഡ് ചെയ്തതെന്നും മുരളി കുന്നുംപുറം പറഞ്ഞു. ഇതിനെതിരെ കേരള പോലീസിനു ക്രൈംബ്രാഞ്ചിനു പരാതി നല്കിയിട്ടുണ്ട്. സിനിമ ഡൗണ്ലോഡ് ചെയ്തവര്ക്കെതിരെ നടപടി ഉണ്ടാകുമെന്നാണ് പൊലീസ് ഉറപ്പ് നല്കിയെന്നും മുരളി കുന്നുംപുറത്ത് കണ്ണൂരില് പറഞ്ഞു. ഇദ്ദേഹത്തിന്റെ ജീവിതകഥയെ ആസ്പദമാക്കിയാണ് വെള്ളം സിനിമ ഒരുക്കിയത്.
