ചേര്ത്തല: .താന് മത്സരരംഗത്തേക്കില്ലെന്നും പാര്ട്ടിക്ക് വേണ്ടി ദീര്ഘകാലമായി പ്രവര്ത്തിക്കുന്നവര്ക്ക് സീറ്റ് നലകുന്നതാണ് നല്ലതെന്നും എ.കെ ആന്റണിയുടെ മകന് അനില് ആന്റണി .പാര്ട്ടി ആവശ്യപ്പെട്ടാല് മത്സരിക്കുമോയെന്ന ചോദ്യത്തിന് അതിന് സാധ്യതയില്ലെന്നും അനില് കൂട്ടിച്ചേര്ത്തു.
രമേശ് ചെന്നിത്തല നയിക്കുന്ന ഐശ്വര്യകേരള യാത്ര ചേര്ത്തലയിലെത്തിയപ്പോള് അനില് പ്രധാന പ്രാസംഗികനായതാണ് സംശയത്തിന് കാരണമായത്.
കെ.പി.സി .സി യുടെ സാമൂഹിക മാധ്യമ വിഭാഗം കോ-ഓര്ഡിനേറ്ററാണ് അനില്. നിയമസഭാ തിരഞ്ഞെടുപ്പിന്റെ ഡിജിറ്റല് പ്രചാരണത്തിന്റെ മേല്നോട്ടമാണ് ഇപ്പോഴുള്ളത്. എല്ലാ കോണ്ഗ്രസ് അനുഭാവികളെയും ഒരു പ്ലാറ്റ്ഫോമിന് കീഴില് അണിനിരത്തുന്ന ജോലിയാണ് ഇപ്പോള് നടക്കുന്നത്. സ്ത്രീകള് ഉള്പ്പെടുന്ന കൂടുതല് പുതുമുഖങ്ങള് ഇത്തവണ മത്സരരംഗത്ത് ഉണ്ടാകണമെന്നും അനില് പറഞ്ഞു.
ഡിജിറ്റല് മീഡിയയുടെ സാധ്യതകള് രാഷ്ട്രീയമായി പ്രയോജനപ്പെടുത്തുക എന്ന നിലയിലാണ് അനില് ശ്രദ്ധിക്കപ്പെട്ടത്.ഗുജറാത്ത് തിരഞ്ഞെടുപ്പില് കോണ്ഗ്രസിനു വേണ്ടി നടത്തിയ നവമാധ്യമ പ്രചാരണങ്ങള് അതിന് ഉദാഹരണമാണ്.
അനില് തുടക്കക്കാരനാണ്, അതിനാല് മത്സരരംഗത്തേക്കില്ല, ഇത് ഞങ്ങള് നേരത്തെ സൂചിപ്പിച്ചതാണന്ന് എ.കെ ആന്റണിയും മാധ്യമങ്ങളോട് പറഞ്ഞു. മത്സരത്തിനില്ലെങ്കിലും പാര്ട്ടിയുടെ തിരഞ്ഞെടുപ്പ് പ്രചാരണരംഗത്ത് സജീവമായി ഉണ്ടാകുമെന്നും അദ്ദേഹം പറഞ്ഞു.തുറവൂര്,ആലപ്പുഴ തുടങ്ങിയ സ്ഥലങ്ങളിലെ പാര്ട്ടി യോഗങ്ങളിലും അനില് പങ്കടുത്തിരുന്നു.
