ന്യൂഡല്ഹി: പെട്രോളിയം ഉല്പന്നങ്ങളെ ജിഎസ്ടി പരിധിയില് ഉള്പ്പെടുത്താന് ജിഎസ്ടി കൗണ്സിലിനോട് കേന്ദ്ര സര്ക്കാര് നിരന്തരം ആവശ്യപ്പെട്ടുകൊണ്ടിരിക്കുകയാണെന്ന് കേന്ദ്ര പെട്രോളിയം വകുപ്പ് മന്ത്രി ധര്മേന്ദര് പ്രധാന്. പെട്രോളിയം ഉല്പന്നങ്ങളെ ജിഎസ്ടിയില് ഉള്പ്പെടുത്തേണ്ട കാര്യം തീരുമാനം എടുക്കേണ്ടത് ജിഎസ്ടി കൗണ്സിലാണെന്നും അദേഹം പറഞ്ഞു.
അന്തരാഷ്ട്ര വിപണിയില് അസംസ്കൃത എണ്ണയുടെ വില വര്ധിച്ചതാണ് പൊതുവിപണിയില് ഇന്ധന വില വര്ധിക്കാന് കാരണമെന്നും കോവിഡ് സാഹചര്യം മൂലം പെട്രോളിയം ഉല്പന്നങ്ങളുടെ ആഗോള വിതരണം തടസ്സപ്പെട്ടും ഇത് ഉത്പാദനത്തെ ബാധിച്ചുവെന്നും അദേഹം പറഞ്ഞു. ഇന്ധന വില വര്ധനവ് സംബന്ധിച്ച് കോണ്ഗ്രസ് അധ്യക്ഷ സോണിയ ഗാന്ധിക്ക് അയച്ച കത്തിനെക്കുറിച്ചും കേന്ദ്രമന്ത്രി പ്രതികരിച്ചു.
'രാജസ്ഥാനും മഹാരാഷ്ട്രയുമാണ് രാജ്യത്ത് ഏറ്റവും കൂടുതല് നികുതി ഈടാക്കുന്നതെന്ന് സോണിയ ജി മനസ്സിലാക്കണം. ലോക്ഡൗണ് കാലത്ത് സംസ്ഥാനങ്ങള്ക്കും കേന്ദ്രത്തിനും വളരെ കുറച്ച് വരുമാനം മാത്രമേ ഉണ്ടായിരുന്നുള്ളൂ, രാജ്യത്ത് തൊഴിലവസരങ്ങള് വര്ധിപ്പിക്കുന്നതിനായി വിവിധ മേഖലകള് ഞങ്ങള് ബജറ്റില് നിന്ന് വലിയ ഭാഗങ്ങള് അനുവദിച്ചിട്ടുണ്ട്' അദേഹം പറഞ്ഞു.
രാജ്യത്ത് ഇന്ധനവ വില ദിനംപ്രതി വര്ധിക്കുന്ന പശ്ചാത്തലത്തില് ഇന്ധനവില ജിഎസ്ടി പരിധയില് കൊണ്ടുവരാന് കേന്ദ്ര സര്ക്കാര് തയ്യറാണെന്ന് കേന്ദ്ര ധനമന്ത്രി നിര്മല സീതരാമന് പ്രതികരിച്ചിരുന്നു. ജിഎസ്ടി പരിധിയില് വന്നാല് രാജ്യമാകെ ഒറ്റ വിലയാകുമെന്ന് ധനമന്ത്രി നിര്മല സീതാരാമന് പറഞ്ഞു. കേന്ദ്രവും സംസ്ഥാനവും വെവ്വേറെ നികുതിപിരിക്കുന്നത് ഒഴിവാക്കാം. നിയമഭേദഗതി ആവശ്യമില്ലെന്ന് ധനമന്ത്രി പറഞ്ഞു.
