മുംബൈ: രാജ്യത്തെ ഇന്ധന നികുതു കുറയ്ക്കാന് കേന്ദ്ര-സംസ്ഥാന സര്ക്കാരുകള് യോജിച്ച് തീരുമാനത്തിലെത്തണമെന്ന് റിസര്വ് ബാങ്ക് ഗവര്ണര് ശക്തിതകാന്ത ദാസ്. യാത്രക്കാര് മാത്രമാണ് പെട്രോളും ഡീസലും ഉപയോഗിക്കുന്നതെന്ന് കരുതരുതെന്നും നിര്മ്മാണം, ഗതാഗതം തുടങ്ങിയ മേഖലകളെയും ബാധിക്കുമെന്നും അദേഹം പറഞ്ഞു.
ബോംബെ ചേംബര് ഓഫ് കൊമേഴ്സ് ആന്റ് ഇന്ഡസ്ട്രി സംഘടിപ്പിച്ച പരിപാടിയില് സംസാരിക്കുകയായിരുന്നു അദേഹം. കേന്ദ്ര സര്ക്കാരും സംസ്ഥാന സര്ക്കാരുകളും നികുതി കുറയ്ക്കുന്ന കാര്യത്തില് ധാരണയിലെത്തണം. കേന്ദ്ര സര്ക്കാരിന് ഇപ്പോള് പണത്തിന്റെ ആവശ്യമുണ്ട്. എന്നാല് ഇന്ധനവില ഉര്ന്ന് നില്ക്കുന്നത് നിര്മ്മാണ ചെലവ് വര്ധിപ്പിക്കുമെന്നും വിലക്കയറ്റത്തിന് കാരണമാകുമെന്നും അദേഹം വ്യക്തമാക്കി.
ഈയാഴ്ച തുടക്കത്തില് റിസര്വ് ബാങ്ക് മോണിറ്ററി പോളിസി കമ്മിറ്റിയുടെ മിനിട്സ് പുറത്ത് വന്നിരുന്നു. ഇതില് ഇന്ധന വില വര്ധിക്കുന്നതില് അംഗങ്ങളെല്ലാം വലിയ ആശങ്കയാണ് പ്രകടിപ്പിച്ചത്. അതേസമയം ഇന്ധനവില ജിഎസ്ടി ഉള്പ്പെടുത്താന് കേന്ദ്ര സര്ക്കാര് തയ്യാറാണെന്ന് കേന്ദ്ര ധനമന്ത്രി നിര്മല സീതരാമന് വ്യക്തമാക്കിയിരുന്നു. ഇന്ധനവില ജിഎസ്ടിയില് ഉള്പ്പെടുത്തുന്ന കാര്യം ജിഎസ്ടി കൗണ്സിലിനോട് ചോദിച്ചിരുന്നതായി പെട്രോളിയം മന്ത്രി അറിയിച്ചിരുന്നു.
