കോട്ടയം: വനിതാദിനത്തില് അഭിമാനാര്ഹമായ നേട്ടവുമായി കോട്ടയം. ജില്ലയുടെ ഭരണചക്രം പൂര്ണമായും വനിതകളുടെ െകെകളില്. കലക്ടര്, ജില്ലാ പോലീസ് മേധാവി, ജില്ലാ പഞ്ചായത്ത് പ്രസിഡന്റ്, എ.ഡി.എം, നഗരസഭാധ്യക്ഷ എന്നിവരെല്ലാം വനിതകളാണ്. ഒന്നൊഴികെ എല്ലാ നഗരസഭകളും പകുതിയിലേറെ പഞ്ചായത്തുകളും ഭരിക്കുന്നതും വനിതകള് തന്നെ. മുമ്പ് കലക്ടര്, ജില്ലാ പഞ്ചായത്ത് പ്രസിഡന്റ്, നഗരസഭാധ്യക്ഷ പദവികളില് ഒരേ സമയം വനിതകള് വന്നിട്ടുണ്ടെങ്കിലും സുപ്രധാന സ്ഥാനങ്ങളില്ലൊം വനിതകള് വരുന്നത് ഇതാദ്യമാണ്.
ജില്ലാ പഞ്ചായത്തു പ്രസിഡന്റ് നിര്മലാ ജിമ്മി രണ്ടാം തവണയാണ് ഈ കസേരയിലെത്തുന്നത്. ബ്ലോക്ക് പഞ്ചായത്ത് പ്രസിഡന്റ്, കേരളാ കോണ്ഗ്രസിന്റെ വനിതാ വിഭാഗം സംസ്ഥാന പ്രസിഡന്റ് എന്നീ നിലകളില് പ്രവര്ത്തിച്ചിട്ടുണ്ട്. ആലപ്പുഴയില് നിന്നുമാണു കലക്ടര് എം. അഞ്ജന കോട്ടയത്തെത്തിയത്. തുടക്കത്തില് കോവിഡ് പ്രതിരോധ പ്രവര്ത്തനത്തിലായിരുന്നു കലക്ടറുടെ പ്രധാന ശ്രദ്ധയെങ്കിലും തെരഞ്ഞെടുപ്പു വന്നതോടെ തിരക്കു കൂടി. കാസര്ഗോഡുനിന്നു ഡി. ശില്പ്പ ജില്ലാ പോലീസ് മേധാവിയായി എത്തിയത് തെരഞ്ഞെടുപ്പിനു മുന്നോടിയായാണ്.
ബംഗളൂരു സ്വദേശിയായ ശില്പ്പ വിവാഹശേഷമാണു സിവില് സര്വീസ് തെരഞ്ഞെടുക്കാന് തീരുമാനിച്ചത്. ബി.ടെക്, എം.ബി.എ. ബിരുദധാരി യാണ്. കാസര്കോട്ടെ കോവിഡ് പ്രതിരോധ പ്രവര്ത്തനങ്ങള്ക്കു ചുക്കാന് പിടിച്ച ശേഷമാണു കോട്ടയത്തെത്തിയത്. ശില്പ്പയ്ക്കു പിന്നാലെ എ.ഡി.എമ്മായി ആശ സി. ഏബ്രഹാമും ചുമതലയേറ്റു. വൈക്കത്തുനിന്ന് സി.കെ. ആശ എം.എല്.എയും ഈ വനിതാ നേതൃത്വത്തിന്റെ മുന്നിലുണ്ട്.
കോട്ടയം നഗരസഭാധ്യക്ഷ ബിന്സി സെബാസ്റ്റിയനും വനിതാ നേതൃത്വത്തിനു കരുത്തു പകരുന്നു. ജില്ലയിലെ ആറു നഗരസഭകളില് പാലാ ഒഴികെ അഞ്ചിടത്തും വനിതകളാണു ഭരണ നേതൃത്വത്തിലുള്ളത്. ഏറ്റുമാനൂരില് ലൗലി ജോര്ജും ചങ്ങനാശേരിയില് സന്ധ്യാ മനോജും െവെക്കത്തു രേണുക രതീഷും ഈരാറ്റുപേട്ടയില് സുഹ്റ അബ്ദുള് ഖാദറും അധ്യക്ഷരായി. പുതുതായി അധികാരമേറ്റ പഞ്ചായത്ത് പ്രസിഡന്റുമാരില് പകുതിയില് ഏറെപ്പേരും സ്ത്രീകളാണ്.
