പത്തനംതിട്ട: ആറന്മുളയില് സ്ഥനാര്ഥി നിര്ണയത്തെ ചൊല്ലി ബിജെപിക്കുള്ളില് തര്ക്കം. ന്യൂനപക്ഷ മോര്ച്ച നേതാവ് ബിജു മാത്യുവിനെ സ്ഥാനാര്ഥിയാക്കുന്നതിനെതിരെയാണ് പാര്ട്ടി മണ്ഡലം കമ്മിറ്റി രംഗത്തെത്തിയത്. വിജയസാധ്യതയുള്ള ആറന്മുളയില് ജനപ്രിയ സ്ഥാനാര്ഥി വേണമെന്നാമ് ഇവരുടെ ആവശ്യം. ബിജുവിനെ സ്ഥാനാര്ഥിയാക്കിയാല് മണ്ഡലം കമ്മിറ്റി രാജി വയ്ക്കുമെന്ന് മുന്നറിയിപ്പ് നല്കി.
അതേസമയം പഞ്ചായത്ത് മെമ്പര്മാരും രാജി സന്നദ്ധത അറിയിച്ചു. പ്രതിഷേധത്തിന് ആര്എസ്എസ് പിന്തുണയും ഉണ്ട്. സംസ്ഥാനത്ത് 115 സീറ്റുകളിലാണ് ബിജെപി മത്സരിക്കുക. തിരഞ്ഞെടുപ്പിനുള്ള ബിജെപി സ്ഥാനാര്ഥി പട്ടിക ഇന്നോ നാളെയോ പ്രഖ്യാപിക്കുമെന്നാണ് പ്രതീക്ഷിക്കുന്നത്. സുരേഷ് ഗോപിയും ശോഭ സുരേന്ദ്രനും സ്ഥാനാര്ഥികളാകണമെന്ന് ദേശീയ നേതൃത്വം ആവശ്യപ്പെട്ടിട്ടുണ്ട്.
നേമത്തോ തൃശ്ശൂരിലോ സുരേഷ് ഗോപി മത്സരിക്കണമെന്നാണ് ദേശീയ നേതൃത്വത്തിന്റെ ആവശ്യം. അതേസമയം മത്സരരംഗത്തേക്കില്ലെന്ന പറഞ്ഞ സുരേഷ് ഗോപിയെ ദേശീയ നേതാക്കള് സംസാരിച്ചിരുന്നു. സുരേഷ് ഗോപി തൃസ്ശൂര് മത്സരിച്ചാല് തിരുവനന്തപുരത്ത് കൃഷ്ണകുമാര് സ്ഥനാര്ഥിയാകും. സംസ്ഥാന നേതൃത്വവുമായി സ്വരചേര്ച്ചയുള്ള ശോഭ സുരേന്ദ്രന് മത്സരരംഗത്തുണ്ടാകണമെന്നും ദേശീയ നേതൃത്വം ആവശ്യപ്പെട്ടിരിക്കുന്നത്.
