ന്യൂഡല്ഹി: പ്രധാനമന്ത്രി നരേന്ദ്രമോഡിയെ സദ്ദാം ഹുസൈനോടും മൂവമ്മര് ഗദ്ദാഫിയോടും ഉപമിച്ച കോണ്ഗ്രസ് അദ്ധ്യക്ഷന് രാഹുല്ഗാന്ധിക്ക് മറുപടിയുമായി ബിജെപിയുടെ കേന്ദ്രമന്ത്രി പ്രഹ്ളാദ് ജോഷി. കേന്ദ്ര സര്ക്കാരിനെ ഏകാധിപതികളോട് ഉപമിച്ച രാഹുല്ഗാന്ധി ഇന്ത്യയിലെ ജനങ്ങളുടെ വിശ്വാസ്യതയെ അപമാനിക്കുകയാണ് ചെയ്യുന്നതെന്നും കോണ്ഗ്രസ് ജനാധിപത്യത്തില് വിശ്വസിക്കുന്നില്ല എന്നതിന്റെ തെളിവാണ് ഇതെന്നും പറഞ്ഞു.
താന് പ്രധാനമന്ത്രിയാകാന് വേണ്ടി മാത്രം ജനിച്ചയാള് എന്ന രീതിയിലാണ് രാഹുല്ഗാന്ധിയുടെ ചിന്ത. ഈ മാനസീകനില കോണ്ഗ്രസ് മാറ്റി വെയ്ക്കണം. ഒരിക്കലും ജനാധിപത്യം പിന്തുര്ന്നിട്ടില്ലാത്ത പാര്ട്ടിയാണ് കോണ്ഗ്രസ്. ഗാന്ധികുടുംബം ഒഴികെ കോണ്ഗ്രസിനെ നിയിച്ചിട്ടുളള ഏകയാള് നരസിംഹറാവു മാത്രമാണ്. ബിജെപിയില് നേരത്തേ അമിത്ഷായായിരുന്നു പാര്ട്ടി അദ്ധ്യക്ഷന്, രാജ്നാഥ് സിംഗും നിതിന് ഗഡ്ക്കരിയും അദ്വാനിയും ബിജെപി ദേശീയ പ്രസിഡന്റുമാരായി ഇരുന്നിട്ടുള്ളവരാണ്. പാര്ട്ടിയുടെ അടുത്ത തലവന് ആരാകുമെന്ന് ഞങ്ങള്ക്ക് ഒരിക്കലും പറയാനാകില്ല. എന്നാല് കോണ്ഗ്രസില് രാഹുല്ഗാന്ധിയോ സോണിയാഗാന്ധിയോ ആയിരിക്കും പാര്ട്ടിയെ നയിക്കുക. ഒരിക്കല് സോണിയാഗാന്ധി ആയാല് അടുത്തത് രാഹുലാകും. അവരാണ് ജനാധിപത്യത്തെക്കുറിച്ച് പ്രസംഗിക്കുന്നതെന്നും പ്രഹ്ലാദ് ജോഷി വ്യക്തമാക്കി.
കഴിഞ്ഞ ദിവസം ഒരു ഓണ്ലൈന് ഡിബേറ്റിലായിരുന്നു മോഡിയെ രാഹുല് സദ്ദാം ഹുസൈനോടും മൂവമ്മര് ഗദ്ദാഫിയോടും താരതമ്യപ്പെടുത്തയത്. സദ്ദാമും ഗദ്ദാഫിയും തെരഞ്ഞെടുപ്പിനെ നേരിടുമായിരുന്നു എന്നും എല്ലായ്പ്പോഴും വിജയിക്കുകയും ചെയ്യുമായിരുന്നെന്നും എന്നാല് ജനാധിപത്യത്തിലെ വോട്ട് സംരക്ഷണം ഒരിക്കലും ഉറപ്പാക്കയിരുന്നില്ലെന്നും പറഞ്ഞു. ബ്രൗണ് യൂണിവേഴ്സിറ്റിയുടെ പരിപാടിയിലായിരുന്നു രാഹുല് സംസാരിച്ചത്.
