ഗുവാഹട്ടി: കേരളത്തിനും ബംഗാളിനുമൊപ്പം തെരഞ്ഞെടുപ്പ് നടക്കുന്ന ആസ്സാമില് പാര്ട്ടി സഥാനാര്ത്ഥിക്കെതിരേ വിമതനായി മത്സരിക്കുന്നതിന്റെ പേരില് ഏഴ് ബിജെപി നേതാക്കളെ പാര്ട്ടി ആറ് വര്ഷത്തേക്ക് പുറത്താക്കി.
സീറ്റ് നിഷേധിക്കപ്പെട്ടതിനെ തുടര്ന്ന് ബിജെപിയുടെ ഔദേ്യാഗിക സ്ഥാനാര്ത്ഥിക്ക് എതിരേ സ്വതന്ത്രസ്ഥാനാര്ത്ഥിയായി മത്സരിച്ചതിന്റെ പേരിലാണ് നടപടി. ഇതോടെ ഈ വര്ഷം പാര്ട്ടി പുറത്താക്കി നേതാക്കളുടെ എണ്ണം 15 ആയി.
മുന് ഡപ്യൂട്ടി സ്പീക്കര് ദിലീപ് കുമാര് പോള് ഉള്പ്പെടെയുള്ളവര് ആറു വര്ഷത്തേക്ക് പുറത്താക്കപ്പെട്ടവരുടെ പട്ടികയിലുണ്ട്. സിറ്റിംഗ് എംഎല്എ ആയ ശിലാദിത്യ ദേവ് ഉള്പ്പെടെയുള്ളവര് പാര്ട്ടി ടിക്കറ്റ് നിഷേധിച്ചതിനെ തുടര്ന്ന് ഈ മാസം ആദ്യം ബിജെപി വിട്ടിരുന്നു.
അതേസമയം പാര്ട്ടിയുടെ മുതിര്ന്ന നേതാവ് ഹിമന്ദ ബിശ്വ ശര്മ്മ, ആര്എസ്എസ് നേതാവ് എന്നിവര് പാര്ട്ടിയുടെ പ്രചരണത്തിന് വേണ്ടി ഇറങ്ങുമെന്ന് വ്യക്തമാക്കിയിട്ടുണ്ട്.
കോണ്ഗ്രസിലേക്ക് പോയ മന്ത്രി സും റോംഗ് ഹാംഗ് ഉള്പ്പെടെ 10 സിറ്റിംഗ് എംഎല്എ മാര്ക്കാണ് പാര്ട്ടി ഇത്തവണ ടിക്കറ്റ് നിഷേധിച്ചത്. ദിഫുവില് ഇത്തവണ കോണ്ഗ്രസ് സ്ഥാനാര്ത്ഥിയാണ് സും റോംഗ് ഹാംഗ്.
ആസ്സാമിലെ 126 സീറ്റുകളില് 92 സീറ്റുകളില് മത്സരിക്കുന്നത് ബിജെപിയാണ്. 26 സീറ്റുകളില് ആസാം ഗണ പരിക്ഷത്തും എട്ടു സീറ്റുകളില് എന്ഡിഎ സഖ്യത്തിലെ പുതിയ കക്ഷികളാണ് യുണൈറ്റഡ് പീപ്പിള്സ് പാര്ട്ടി ലിബറലും മത്സരിക്കും.
മൂന്ന് ഘട്ടങ്ങളായിട്ടാണ് ആസ്സാമില് തെരഞ്ഞെടുപ്പ് നടക്കുന്നത്. ശനിയാഴ്ച 47 സീറ്റുകളിലും ഏപ്രില് 1 ന് 39 സീറ്റുകളിലും ഏപ്രില് 6 ന് 40 സീറ്റുകളിലും മത്സരിക്കും. മെയ് 2 നാണ് ഫലം പുറത്തുവരിക.
