തിരുവനന്തപുരം: കോവിഡ് കൂട്ടപ്പരിശോധനാ ഫലം വന്നാലും രോഗികളെ പരിചരിക്കാന് കേരളം സജ്ജമെന്ന് ആരോഗ്യമന്ത്രി കെ.കെ. ശൈലജ. രണ്ട് ദിവസം കൊണ്ട് രണ്ടര ലക്ഷത്തോളം കോവിഡ് പരിശോധനകള് നടത്തുമെന്നാണ് സര്ക്കാര് അറിയിച്ചിരുന്നത്. കൂട്ടപ്പരിശോധനയുടെ ഫലം ഇന്ന് പ്രസിദ്ധികരിച്ചേക്കും എന്നാണ് സൂചന.
അതേസമയം രോഗബാധിതരുടെ നിരക്ക് കുത്തനെ ഉയര്ന്നാല് പ്രാദേശിക തലത്തില് നിയന്ത്രണങ്ങള് കടുപ്പിക്കാനാണ് നീക്കം. ഇന്നലെ 1,33,836 പേരെ പരിശോധിച്ചു. ഇന്ന് വൈകിട്ടുള്ള കോവിഡ് കണക്കില് ആദ്യ ദിവസത്തെ കൂട്ടപ്പരിശോധനയുടെ ഫലം ഉള്പ്പെടുത്തിയേക്കും.
കൂട്ടപ്പരിശോധനാ ഫലം പുറത്തുവരുന്നതോടെ ഏറ്റവും കൂടുതല് രോഗികളുള്ള ജില്ലകളില് പ്രാദേശിക നിരോധനാഞ്ജയടക്കം നിയന്ത്രണങ്ങള് കടുപ്പിക്കാനാണ് ആലോചന. ഇതിനിടെ ഇന്നലെ രണ്ട് ലക്ഷം ഡോസ് കുടിയെത്തിയതോടെ വാക്സീന് ക്ഷാമത്തിന് താല്ക്കാലിക പരിഹാരമായി.
