കൊച്ചി: ആറുമാസം പ്രായമുള്ള കുഞ്ഞിന് മരുന്ന് അമിത അളവിൽ നൽകിയെന്ന പരാതിയിൽ ആലുവ ജില്ലാ ആശുപത്രിയിലെ ഡോക്ടർക്കെതിരെ കേസ്. ഡോ. ഹബ്ന റുബ്ഷിയക്കെതിരെയാണ് ആലുവ വെസ്റ്റ് പൊലീസ് കേസെടുത്തത്.
കുഞ്ഞിന്റെ മാതാപിതാക്കളുടെ പരാതിയുടെ അടിസ്ഥാനത്തിലാണ് നടപടി. പ്രതിരോധ കുത്തിവെപ്പിനിടെ മരുന്ന് അമിത അളവിൽ നൽകിയെന്നാണ് പരാതിയിൽ പറയുന്നത്. ഇതിനെ തുടർന്ന് കുഞ്ഞിന് ഗുരുതരമായ ആരോഗ്യപ്രശ്നങ്ങൾ ഉണ്ടായെന്നും മാതാപിതാക്കൾ ആരോപിക്കുന്നു.
ചികിത്സയ്ക്ക് ശേഷം കുഞ്ഞിന്റെ ആരോഗ്യനില മെച്ചപ്പെട്ടതിനെ തുടർന്നാണ് മാതാപിതാക്കൾ ആലുവ വെസ്റ്റ് പൊലീസിൽ പരാതി നൽകിയത്. പരാതിയുടെ അടിസ്ഥാനത്തിൽ പൊലീസ് കേസെടുത്ത് അന്വേഷണം ആരംഭിച്ചു.
