തിരുവനന്തപുരം: കേരളത്തില് വേനല്മഴ ശക്തി പ്രാപിച്ചതോടെ വിവിധ ജില്ലകളില് കേന്ദ്ര കാലാവസ്ഥ വകുപ്പിന്റെ ജാഗ്രതാ മുന്നറിയിപ്പ്. ഒറ്റപ്പെട്ടയിടങ്ങളില് മണിക്കൂറില് 40 കിലോ മീറ്റര് വരെ വേഗതയില് വീശിയടിക്കാവുന്ന കാറ്റിനും, മഴയ്ക്കും സാധ്യത. വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു
കാറ്റില് മരങ്ങള് കടപുഴകി വീഴാനും, ചില്ലകള് ഒടിയാനും സാധ്യതയുണ്ട്. അതിനാല് മുന്കരുതലുകള് എടുക്കമമെന്നും, അപകടമേഖലയില് നിന്നും കഴിയുന്നതും ഒഴിവാകണമെന്നും മുന്നറിയിപ്പ് നല്കിയിട്ടുണ്ട്.
കനത്ത മഴ ഉണ്ടാകാന് സാധ്യതയുള്ളതിനാല് കൊല്ലം, പത്തനംതിട്ട, മലപ്പുറം ജില്ലകളില് യെല്ലോ അലര്ട്ട് പ്രഖ്യാപിച്ചു. ഉച്ചയ്ക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യതയുണ്ട്.രാത്രി വൈകിയും ഇത് തുടര്ന്നേക്കാം.മലയോര മേഖലയില് ഇടിമിന്നല് സജീവമാകാനാണ് സാധ്യത. അവ മനുഷ്യജീവനും, വൈദ്യുത ചാലകങ്ങളുമായി ബന്ധിപ്പിച്ചിട്ടുള്ള വീട്ടുപകരണങ്ങള്ക്കും നാശനഷ്ടം ഉണ്ടാകാം. തുറസായ സ്ഥലത്തും, ടെറസ്സിലും കുട്ടികള് കളിക്കുന്നത് ഒഴിവാക്കണമെന്നും കാലാവസ്ഥ വകുപ്പ് മുന്നറിയിപ്പ് നല്കുന്നുണ്ട്.
