കണ്ണൂര്: ആരോഗ്യമന്ത്രി കെ.കെ ഷൈലജ ടീച്ചര് ക്വാറന്റീനില് പ്രവേശിച്ചു. മകനും ഭാര്യയ്ക്കും കോവിഡ് പോസിറ്റീവ് സ്ഥിരീകരിച്ച സാഹചര്യത്തിലാണ്. മന്ത്രിക്ക് നിലവില് രോഗലക്ഷണങ്ങളോ മറ്റ് ആരോഗ്യ പ്രശ്നങ്ങളോ ഇല്ല. മന്ത്രി തന്നെയാണ് ഇക്കാര്യം ഫെയ്സ്ബുക്കിലൂടെ അറിയിച്ചത്. തുടര്ന്നുള്ള ദിവസങ്ങളില് കോവിഡ് പ്രതിരോധ പ്രവര്ത്തനങ്ങള് ഓണ്ലൈന് വഴിയും ഫോണ് വഴിയും ഇടപെട്ട് നടത്തുമെന്നും മന്ത്രി വ്യക്തമാക്കി.
'പ്രിയമുള്ളവരെ,
എന്റെ മകന് ശോഭിത്തും ഭാര്യയും കോവിഡ് പോസിറ്റീവ് ആയിരിക്കുന്നു. അവരുമായി പ്രൈമറി കോണ്ടാക്ട് വന്നതിനാല് ഞാന് ക്വാറന്റയിനില് കഴിയാന് തീരുമാനിച്ചിരിക്കുകയാണ്. എനിക്ക് രോഗ ലക്ഷണങ്ങള് ഒന്നും ഇല്ല. കഴിഞ്ഞ ദിവസങ്ങളില് ഓണ്ലൈന് മീറ്റിങ്ങുകള് മാത്രമാണ് നടത്തിയിരുന്നത്. തുടര്ന്നുള്ള ദിവസങ്ങളില് കോവിഡ് പ്രതിരോധ പ്രവര്ത്തനങ്ങള് ഓണ്ലൈന് വഴിയും ഫോണ് വഴിയും ഇടപെട്ട് നടത്തുന്നതാണ്.'
