തിരുവനന്തപുരം:15-ാം നിയമസഭയുടെ ആദ്യ സമ്മേളനത്തിന് ഇന്ന് തുടക്കമായി. പ്രോടേം സ്പീക്കര് പിടിഎ റഹീമിനു മുമ്പാകെയാണ് അംഗങ്ങള് സത്യപ്രതിജ്ഞ ചെയ്തുവരികയാണ്.
ഇതിനിടെ യുഡിഎഫിന്റെ സ്പീക്കര് സ്ഥാനാര്ഥിയായി പി.സി.വിഷ്ണുനാഥിനെ തീരുമാനിച്ചു. ചൊവ്വാഴ്ചയാണ് സ്പീക്കര് തിരഞ്ഞെടുപ്പ് നടക്കുക. ഭരണമുന്നണി സ്ഥാനാര്ഥി എം.ബി. രാജേഷാണ്.
മത്സരിക്കുന്നതിനുള്ള നാമനിര്ദേശ പത്രിക ഇന്ന് ഉച്ചവരെ നല്കാം. കുണ്ടറ എംഎല്എയാണ് വിഷ്ണുനാഥ്.
നാളെയും സഭയുണ്ട്. 26-നും 27-നും സഭ ചേരില്ല. 28-ന് ഗവര്ണര് ആരിഫ് മുഹമ്മദ് ഖാന് നയപ്രഖ്യാപനം നടത്തും.
ജനുവരി 21-നായിരുന്നു കഴിഞ്ഞ സര്ക്കാരിന്റെ അവസാന നയപ്രഖ്യാപനം. സര്ക്കാര് തുടരുന്നതിനാല് ആ പ്രഖ്യാപനങ്ങള് തന്നെ ആവര്ത്തിക്കുമോ, പുതിയ പരിപാടികള് പ്രഖ്യാപിക്കുമോ എന്നാണ് അറിയാനുള്ളത്.
