തിരുവനന്തപുരം: ചാരായം വാറ്റ് കേസ് പ്രതിയുടെ വീട്ടിൽ നടത്തിയ പരിശോധനയിൽ പൊലീസ് കഞ്ചാവും എയർ ഗണ്ണും പിടിച്ചെടുത്തു. ഇവിടെ നിന്നും കള്ള നോട്ടും കോടയും ചാരായവും എക്സൈസ് പിടികൂടിയിരുന്നു.
ഇതിന്റെ തുടർച്ചയായി പ്രതിയുടെ വീട്ടിൽ നടത്തിയ പരിശോധനയിലാണ് കഞ്ചാവും എയർഗണ്ണും കണ്ടെത്തിയത്. തിരുവനന്തപുരം വാമനപുരത്ത് ചാരായം വാറ്റു കേന്ദ്രത്തിൽ നിന്നാണ് 161500 രൂപയുടെ കള്ള നോട്ടും കോടയും ചാരായവും എക്സൈസ് പിടികൂടിയത്.
ഇതുമായി ബന്ധപ്പെട്ട അന്വേഷണത്തിനാണ് നെടുമങ്ങാട് പൊലീസ് വാറ്റു കേന്ദ്രം നടത്തിയിരുന്ന ഇർഷാദിന്റെ വീട്ടിൽ പരിശോധന നടത്തിയത്. ഇർഷാദിന്റെ വീടിന്റെ ടെറസിൽ നിന്നാണ് രണ്ടര കിലോ കഞ്ചാവും എയർ ഗണ്ണും 36,500 രൂപയും കണ്ടെടുത്തത്.
