ന്യൂഡല്ഹി: ബംഗാളില് ബിജെപിയെ വിഷമത്തിലാക്കിക്കൊണ്ട് മുതിര്ന്ന നേതാവ് മുകുള്റോയിയും തൃണമൂലിലേക്ക് മടങ്ങുന്നു. കഴിഞ്ഞ ദിവസം കൊല്ക്കത്തയില് വിളിച്ചു ചേര്ത്ത ബിജെപി യോഗത്തില് മുകുള്റോയി പങ്കെടുക്കാതിരുന്നത് വലിയ ചര്ച്ചകള്ക്ക് വഴി വെച്ചിരുന്നു. ഇദ്ദേഹത്തിന്റെ കാര്യത്തില് ബിജെപിയും തൃണമൂല് കോണ്ഗ്രസും മൗനം തുടരുന്നതിനിടയില് തൃണമുല് കോണ്ഗ്രസിന്റെ എംപി സൗഗതറോയിയാണ് മൗനം ഭഞ്ജിച്ചത്.
അവശ്യസമയത്ത് പാര്ട്ടിയെ തള്ളിപ്പറഞ്ഞ് വിട്ടുപോയ അനേകം പേരാണ് പാര്ട്ടിയിലേക്ക് തിരിച്ചുവരവ് കാംഷിച്ച് അഭിഷേക് ബാനര്ജിയെ വിളിക്കുന്നതെന്നും എന്നാല് ഇക്കാര്യത്തില് അന്തിമ തീരുമാനം എടുക്കേണ്ടത് മമതാബാനര്ജി ആണെന്നും സൗഗത റോയി ബുധനാഴ്ച പറഞ്ഞിരുന്നു. അതേസമയം തിരിച്ചുവരാന് താല്പ്പര്യം പ്രകടിപ്പിച്ചവരെ തൃണമൂല് തരംതിരിച്ചു തുടങ്ങിയിരിക്കുകയാണ്.
മമതാബാനര്ജിയെ രൂക്ഷമായി അപമാനിച്ച് പാര്ട്ടി വിട്ടു പോയവരെയും മൃദു സമീപനം സ്വീകരിച്ചവരെയുമാണ് തരം തിരിക്കുന്നത്. നന്ദിഗ്രാമില് മമതയുടെ എതിരാളിയായി മത്സരിച്ച തൃണമൂലില് നിന്നും ബിജെപിയിലേക്ക് പോയ മമതയുടെ വലംകൈ ആയിരുന്ന സുവേന്ദു അധികാരി മമതയെ രൂക്ഷമായി വിമര്ശിച്ചാണ് വിട്ടു പോയത്. എന്നാല് മുകുള്റോയി മമതയെ തുറന്ന് വിമര്ശിക്കാന് ഇതുവരെ കൂട്ടാക്കിയിട്ടുമില്ല. ഒരിക്കല് മമതയുടെ ഏറ്റവും അടുപ്പക്കാരില് ഒരാളായിരുന്ന മുകുള്റോയി 2017 ല് പാര്ട്ടി വിട്ട ഏറ്റവും വലിയ നേതാവായിരുന്നു.
പിന്നീട് തൃണമൂല് എംഎല്എ മാരെ ഒന്നടങ്കം പാര്ട്ടിയില് നിന്നും ചാടിക്കാന് ബിജെപി ഉപകരണമാക്കുകയും ചെയ്തത് മുകുള് റോയിയെ ആയിരുന്നു. ഇദ്ദേഹം ഉള്പ്പെട്ട 35 നേതാക്കളാണ് തിരിച്ചുവരാന് താല്പ്പര്യപ്പെടുന്നത് എന്നാണ് തൃണമൂല് പറയുന്നത്. മമതാബാനര്ജിയുടെ അനന്തിരവനും പാര്ട്ടിയിലെ പ്രമുഖ നേതാവുമായ അഭിഷേക് ബാനര്ജി അടുത്തിടെ മുകള്റോയിയുടെ ഭാര്യയെ ആശുപത്രിയില് ചെന്ന് സന്ദര്ശിച്ചത് മുതലാണ് മുകുള്റോയി തൃണമൂലിലേക്ക് മടങ്ങുന്നതുമായി ബന്ധപ്പെട്ട അഭ്യൂഹങ്ങള് തുടങ്ങിയത്. പിറ്റേദിവസം തന്നെ പ്രധാനമന്ത്രി നരേന്ദ്രമോഡി മുകുള്റോയിയെ ഫോണ്വിളിച്ച് സംസാരിക്കുകയും ചെയ്തു.
എന്നാല് പ്രധാനമന്ത്രിയുടെ ഈ വിളിയാണ് മുകുള്റോയിയുടെ ഭാര്യ വേഗത്തില് സുഖപ്പെടാന് കാരണമായതെന്ന് ബിജെപി പറയുമ്പോള് ബിജെപി ആശങ്കപ്പെടുന്നതിന് ഇതിനേക്കാള് വലിയ തെളിവ് വേണോ എന്നാണ് തൃണമൂല് ചോദിക്കുന്നത്. അതിനിടയില് മമതയുടെ പാളയത്തില് നിന്നും ബിജെപിയില് എത്തിയ വമ്പന് നേതാവ് സുവേന്ദു അധികാരി ചൊവ്വാഴ്ച ഡല്ഹിയിലേക്ക് പറന്നിരുന്നു. നരേന്ദ്രമോഡി, ജെപി നദ്ദ, ആഭ്യന്തരമന്ത്രി അമിത്ഷാ എന്നിവരുമായി കൂടിക്കാഴ്ചയും നടത്തി.
തെരഞ്ഞെടുപ്പിന് ശേഷമുള്ള അക്രമസംഭവങ്ങളായിരുന്നു ചര്ച്ച ചെയ്തതെന്നാ് കരുതുന്നത്. ബിജെപിയുടെ അവലോകന യോഗത്തില് മുകുള് റോയിയുടെ അഭാവം സുവേന്ദു അധികാരിയുമായുള്ള ഇടച്ചിലായും വിലയിരുത്തലുകളുണ്ട്. അതേസമയം തെരഞ്ഞെടുപ്പില് മമതാബാനര്ജിയെ നന്ദീഗ്രാമില് പരാജയപ്പെടുത്തിയത് സുവേന്ദു അധികാരിയുടെ സമ്മിതി ബിജെപിയില് കുട്ടിയിട്ടുണ്ട്. ഇതിനുള്ള പ്രത്യുപകാരമാണ് പ്രതിപക്ഷ നേതൃസ്ഥാനം നല്കിയതും പ്രധാനമന്ത്രിയുടെ യോഗത്തില് പങ്കെടുപ്പിച്ചതും.
