തിരുവനന്തപുരം: വയനാട് അടക്കം സംസ്ഥാനത്തിന്റെ വിവിധ ജില്ലകളിലുണ്ടായ മരംമുറി വിവാദത്തില് അന്വേഷണം ,കോപിപ്പിച്ച് സര്ക്കാരിന്റെ ഉത്തരവ്. ക്രൈംബ്രാഞ്ച് എ.ഡി.ജി.പി എസ്.ശ്രീജിത്തിന്റെ നേതൃത്വത്തിലാണ് അന്വേഷണം. ക്രൈംബ്രാഞ്ച്, റവന്യൂ, വിജിലന്സ് അന്വേഷണങ്ങള് ഏകോപിപ്പിച്ചായിരിക്കും ശ്രീജിത്തിന്റെ നേതൃത്വത്തിലുള്ള അന്വേഷണം.
മരംമുറിക്കാനും കടത്താനും ഒത്താശ ചെയ്ത ഉദ്യോഗസ്ഥരുടെ പങ്കും സംഘം അന്വേഷിക്കുന്നുണ്ട. എന്നാല് അന്വേഷണ സംഘത്തില് അവിശ്വാസം പ്രകടിപ്പിച്ച് പി.ടി തോമസ് രംഗത്തെത്തി. ശ്രീജിത്തിനെ തനിക്കറിയാം. ആരാണ് ശ്രീജിത്ത്, എന്താണ് ശ്രീജിത്ത് എന്ന് പത്രക്കാരോട് താന് പറയേണ്ടതില്ല. ഉന്നത സ്ഥാനത്തിരിക്കുന്നവര് പ്രതിസ്ഥാനത്തുവരുമ്പോള് അവരുടെ ഉത്തരവിന്റെ താഴെ ഒപ്പിടാന് മാത്രം അധികാരമുള്ളവരാണ് ഈ ഉദ്യോഗസ്ഥരെന്നും പി.ടി തോമസ് ആരോപിച്ചു.
അതേസമയം, അന്വേഷണത്തെ മുന്വിധിയോടെ നേരിടുന്നില്ലെന്ന് മുന്മുഖ്യമന്ത്രി ഉമ്മന് ചാണ്ടി പറഞ്ഞു. കൃഷിക്കാര്ക്ക് വേണ്ടി നല്കിയ ഉത്തരവ് ദുരുപയോഗിച്ചോ എന്ന് പരിശോധിക്കണം. പ്രതികള് ഉള്പ്പെട്ട മാംഗോ ഫോണ് ഉദ്ഘാടനത്തിന് വിളിച്ചോ എന്നറിയില്ലെന്നും ഉമ്മന് ചാണ്ടി പറഞ്ഞു.
