തിരുവനന്തപുരം : ആലത്തൂര് എം പി രമ്യ ഹരിദാസിനെ സിപിഎം പ്രവര്ത്തകര് ഭീഷണിപ്പെടുത്തിയ സംഭവം ഞെട്ടിക്കുന്നതാണന്ന് പ്രതിപക്ഷ നേതാവ് വി ഡി സതീശന്. അധികാരം വീണ്ടും കിട്ടിയതിന്റെ അഹങ്കാരത്തില് ഒരു ജനപ്രതിനിധിയെ അപമാനിക്കുന്നത് അനുവദിക്കാനാവില്ല എന്നും വി ഡി സതീശന് അദ്ദേഹത്തിന്റെ ഫേസ്ബുക്ക് പോസ്റ്റില് കുറിച്ചു.
രമ്യാ ഹരിദാസ് എം പി. യെ വഴിയില് തടഞ്ഞു നിര്ത്തി കൊല്ലുമെന്ന് ഭീഷണിപ്പെടുത്തിയത് ഞെട്ടിക്കുന്ന സംഭവമാണ്. അധികാരം വീണ്ടും കിട്ടിയതിന്റെ അഹങ്കാരത്തില് ഒരു ജനപ്രതിനിധിയെ അപമാനിക്കുന്നത് അനുവദിക്കാനാവില്ല. നിയമസഭാ തിരഞ്ഞെടുപ്പുകാലത്ത് രമ്യാഹരിദാസിനെ ജാതിപ്പേരു വിളിച്ച് അപമാനിച്ചവരെ പോലീസ് ഇതുവരെ അറസ്റ്റ് ചെയ്തിട്ടില്ല. ഇത്തരം ധിക്കാരപരമായ നടപടികള് യു ഡി എഫ് കയ്യും കെട്ടി നോക്കിയിരിക്കില്ല എന്നും വി ഡി സതീശന് പറഞ്ഞു.
