ലക്നൗ: ഉത്തര്പ്രദേശില് ബ്ളോക്ക് പഞ്ചായത്ത് തെരഞ്ഞെടുപ്പിന് നാമനിര്ദേശ പത്രിക സമര്പ്പിക്കാന് എത്തിയപ്പോള് ബിജെപി നേതാവ് കടന്നു പിടിച്ചെന്ന സമാജ്വാദി പാര്ട്ടി വനിതാ സ്ഥാനാര്ത്ഥി. എസ്പി സ്ഥാനാര്ത്ഥിയായ ഋതു സിംഗാണ് ആരോപണവുമായി രംഗത്ത് വന്നിരിക്കുന്നത്. പോലീസും ബിജെപി പ്രവര്ത്തകരും നോക്കി നില്ക്കുമ്പോഴായിരുന്നു ആക്രമണമെന്നും ഇവര് പറഞ്ഞു. വ്യാഴാഴ്ച നടന്ന സംഭവത്തിന്റെ വീഡിയോ ദേശീയ മാധ്യമങ്ങള് പുറത്തുവിട്ടിട്ടുണ്ട്.
ബ്ളോക്ക് ഓഫീസിന് മുന്നിലേക്ക് എത്തിയ യുവതിയെ കടന്നുപിടിച്ച് സാരി വലിച്ചഴിക്കാന് ശ്രമിക്കുന്നതാണ് ദൃശ്യങ്ങളിലുള്ളത്. ഇവരുടെ സാരി പിടിച്ചു വലിച്ചു കീറാന് നടത്തുന്ന ശ്രമം നടത്തുമ്പോള് മറ്റ് ചിലര് ഓടിയെത്തി നേതാവിനെ തടഞ്ഞു. പോലീസുകാര് നോക്കി നില്ക്കേയാണ് തന്നെ അപമാനിക്കാന് ശ്രമം നടന്നതെന്ന് ഇവര് ആരോപിക്കുന്നു. സംഭവത്തിന്റെ പേരില് എല്ലാം നോക്കി നിന്ന ലഖിംപൂര് പോലീസ് സ്റ്റേഷനിലെ മുഴുവന് പോലീസുകാരെയും യുപി സര്ക്കാര് സസ്പെന്റ് ചെയ്തിരിക്കുകയാണ്.
താന് നാമനിര്ദേശ പത്രിക സമര്പ്പിക്കാന് എത്തിയതായിരുന്നു എന്നും എന്നാല് തന്റെ നോമിനേഷന് പേപ്പര് ബിജെപിക്കാര് വലിച്ചു കീറിയെന്നും പഴ്സ് തട്ടിപ്പറിച്ചു കൊണ്ട് ഓടുകയും തന്റെ സാരി വലിച്ചു കീറാന് ശ്രമിക്കുകയും ചെയ്തു. സ്ഥലത്തുണ്ടായിരുന്ന പോലീസുകാരും അനങ്ങിയില്ല. ഇവര് രേഖാ വര്മ്മയുടെ ഗുണ്ടകളാണെന്നും പറഞ്ഞു. സംഭവത്തില് പിന്നീട് നടപടിയെടുത്ത പോലീസ് ബിജെപി നേതാവ് യാശ് ശര്മ്മയെ അറസ്റ്റ് ചെയ്തിട്ടുണ്ട്.
സംഭവത്തില് പ്രതിഷേധവുമായി അഖിലേഷ് യാദവും രംഗത്ത് വന്നിട്ടുണ്ട്. ബേഠി പഠാവോ, ബേഠി ബചാവോ എന്ന മുദ്രാവാക്യം മുഴക്കുന്ന യോഗി ആദിത്യനാഥ് ഇത്തരത്തില് ഗുണ്ടകളെ വളര്ത്തുകയാണെന്നും സമാജ്വാദി പാര്ട്ടി സ്ഥാനാര്ത്ഥിയുടെ പഴ്സില് നഷ്ടമാപറയുന്നുയ വസ്തുക്കള് കണ്ടെത്തി തരണമെന്നും ആവശ്യപ്പെട്ടു. ''സിലാ പഞ്ചായത്ത് സദസ്യയിലും ബിഡിസി മെമ്പേഴ്സ് പോളിലും തോറ്റതിന് പിന്നാലെ എങ്ങിനെ യുപിയിലെ ആളെ കൂട്ടാമെന്നാണ് ബിജെപി നോക്കുന്നത്. ഈ സംഭവത്തിലൂടെ ബേഠി ബചാവോ ബേഠി പഠാവോ എന്ന് എപ്പോഴും പറയുന്ന ബിജെപിയുടെ മുഖംമൂടി അഴിഞ്ഞുവീണു. നടന്ന സംഭവമെല്ലാം യോഗി ആദിത്യനാഥിന്റെ അറിവോടെയാണ്. ഈ ഗുണ്ടകളെ അദ്ദേഹമാണ് തീറ്റിപ്പോറ്റുന്നത്.'' അഖിലേഷ് പറഞ്ഞു.
ള്ക്കാരല്ലെന്നും എസ്പിയുടെ ആള്ക്കാര് തന്നെയാണ് അവരെ തടയാന് ശ്രമിച്ചതെന്നും മൊഹ്സീന് . ഇത് പ്രതിപക്ഷത്തിന്റെ ആരോപണം മാത്രമാണെന്നും സമാജ്വാദി പാര്ട്ടിയുടെ ഒരാള് പോലും സംഭവത്തില് ഉള്പ്പെട്ടിട്ടില്ലെന്നും സത്യം മറയ്ക്കാനാണ് എസ്പി ആരോപണം ഉന്നയിക്കുന്നത് എന്നുമാണ് ബിജെപിയുടെ ആരോപണം. അതേസമയം 14 കേന്ദ്രങ്ങളില് അക്രമം റിപ്പോര്ട്ട് ചെയ്തിട്ടുണ്ട്. മറ്റൊരു ഇടത്ത് മുന്നി എന്ന സ്ഥാനാര്ത്ഥി നോമിനേഷന് സമര്പ്പിക്കാനുള്ള ശ്രമം തടഞ്ഞതിനെ തുടര്ന്നുണ്ടായ അക്രമത്തില് മൂന്ന് വെടിയേല്ക്കുകയും ചെയ്തിട്ടുണ്ട്.
സിലാ പഞ്ചായത്ത് തെരഞ്ഞെടുപ്പിന് പിന്നാലെ ബ്ളോക്ക് പഞ്ചായത്ത് തെരഞ്ഞെടുപ്പിലും ഇരു പാര്ട്ടികളും മേല്ക്കോയ്മ നേടാനുള്ള ശ്രമമാണ്. ബ്ളോക്ക് ഡവലപ്മെന്റ് കൗണ്സിലിലെ അംഗങ്ങളാണ് ബ്ളോക്ക് പ്രമുഖിനെ തെരഞ്ഞെടുക്കുന്നത്. 836 ബ്ളോക്കുകളില് 825 ഇടത്തേക്കാണ് തെരഞ്ഞെടുപ്പ് നടക്കുന്നത്. കഴിഞ്ഞ സിലാ പഞ്ചായത്ത് ചീഫ് തെരഞ്ഞെടുപ്പില് 75 ല് 65 സീറ്റിലും ബിജെപി ജയിച്ചിരുന്നു. 2022 ഫെബ്രുവരിയിലാണ് സംസ്ഥാന തെരഞ്ഞെടുപ്പ് നടക്കുക.
