തൊടുപുഴ: വണ്ടിപ്പെരിയാറിൽ ആറു വയസ്സുകാരിയെ കൊലപ്പെടുത്തിയ കേസിൽ, പ്രതി അർജുനെ വീണ്ടും തെളിവെടുപ്പിനായി എത്തിച്ചു. അക്രമാസക്തരായ നാട്ടുകാർ ഇയാളെ കയ്യേറ്റം ചെയ്യാൻ ശ്രമിച്ചു. നാട്ടുകാരിലൊരാള് അര്ജുന്റെ കരണത്തടിക്കുകയും ചെയ്തു.
കൊല്ലപ്പെട്ട ആറ് വയസുകാരിയുടെ ഡമ്മി ഉപയോഗിച്ചുള്ള തെളിവെടുപ്പാണ് ഇന്ന് നടത്തിയത്. പീഡനശ്രമത്തിനിടെ ബോധരഹിതയായ പെണ്കുട്ടിയെ അര്ജുന് ഷാള് ഉപയോഗിച്ച് കെട്ടിത്തൂക്കി കൊലപ്പെടുത്തുകയായിരുന്നു. ശേഷം വീടിന്റെ ജനല് വഴി രക്ഷപ്പെടുകയായിരുന്നു.
സംഭവത്തില് പ്രതിക്ക് മറ്റാരുടെയെങ്കിലും സഹായം ലഭിച്ചോ എന്നതും മറ്റുപെണ്കുട്ടികളെ ഇത്തരത്തില് പീഡനത്തിനിരയാക്കിയോ എന്നതും അന്വേഷിച്ചുവരികയാണ്. ജൂലായ് 13 വരെയാണ് തൊടുപുഴ പോക്സോ കോടതി പ്രതിയെ കസ്റ്റഡിയില് വിട്ടിരിക്കുന്നത്.
