കൊല്ലം: ഫോണ്വിളി വിവാദത്തില് മന്ത്രി എ.കെ ശശീന്ദ്രനെതിരായ പരാതിയില് ഉറച്ചുനില്ക്കുന്നുവെന്ന് പരാതിക്കാരി. ആരൊക്കെ സ്വാധീനിക്കാന് ശ്രമിച്ചാലും പരാതിയില് നിന്ന് പിന്മാറില്ല. കുറ്റാരോപിതനായ മന്ത്രിക്കും പ്രതികള്ക്കുമൊപ്പം മുഖ്യമന്ത്രി നിലനില്ക്കുകയാണ്. സമ്മര്ദ്ദമുണ്ടായിട്ടാണല്ലോ പോലീസും എന്.സി.പി പ്രവര്ത്തകരും അധിക്ഷേപിക്കുന്നത്. എത്ര അധിക്ഷേപിച്ചാലും പരാതിയില് നിന്ന് പിന്മാറില്ലെന്നും പരാതിക്കാരി മാധ്യമങ്ങളോട് പറഞ്ഞു.
മന്ത്രിക്കെതിരെ ഗവര്ണര്ക്ക് പരാതി നല്കും. പോലീസിനോ കോടതിയിലോ പരാതിപ്പെട്ടിട്ട് കാര്യമില്ലെന്നാണ് തനിക്ക കിട്ടിയ നിയമോപദേശം. സത്യപ്രതിജ്ഞാ ലംഘനം നടത്തിയ മന്ത്രിക്കെതിരെ ഗവര്ണര്ക്ക് തന്നെ പരാതി നല്കാനാണ് തീരുമാനം.
ഈ കേസിനെ സൈബര് ക്രൈം എന്ന് പോലീസ് പറയുന്നത് എന്തുകൊണ്ടാണെന്ന് അറിയില്ല. താന് അങ്ങനെയൊരു പരാതി നല്കിയിട്ടില്ല. തന്നെ അധിക്ഷേപിക്കുന്ന പോസ്റ്റുകള് പ്രതിയായ രാജീവ് ഷെയര് ചെയ്തു എന്നാണ് പരാതിപ്പെട്ടത്. തെളിവു നല്കാന് പോലീസ് തന്നോട് ആവശ്യപ്പെടുകയാണ്. പരാതിക്കാരി തന്നെ തെളിവ് ഉണ്ടാക്കി കൊടുക്കണോ?യെന്നും പെണ്കുട്ടി ചോദിക്കുന്നു.
പോലീസ് ഇതുവരെ മൊഴിയെടുക്കാന് തന്നെ വിളിച്ചിട്ടില്ല. ഇന്നലെ താന് വീട്ടിലില്ലാതിരുന്ന സമയത്ത് പോലീസ് വീട്ടില് വന്നിരുന്നു. താന് സ്ഥലത്തില്ലെന്ന് അറിഞ്ഞ് തിരിച്ചുപോകുകയായിരുന്നു. മൊഴിയെടുക്കാനാണ് വന്നതെന്ന് വീട്ടില് അറിയിക്കാതെയാണ് പോയത്. എന്നാല് അവര് വഴിയില് നില്ക്കുമ്പോള് താന് വീട്ടിലേക്ക് തിരിച്ചെത്തുന്നുണ്ടായിരുന്നു. തന്നോട് പോലീസ് ഒന്നും പറഞ്ഞില്ല. സ്ഥലം എം.എല്.എ അവിടെയുണ്ടായിരുന്നു. അദ്ദേഹത്തിന് എസ്കോര്ട്ട് വന്ന പോലീസാണെന്ന് കരുതി താന് വീട്ടിലേക്ക് പോരുകയും ചെയ്തുവെന്ന് പെണ്കുട്ടി പറഞ്ഞു.
