ന്യൂഡല്ഹി: ഇന്ത്യയില് കോവിഡ് മൂന്നാം തരംഗം ഒക്ടോബറോടെ എത്തിയേക്കുമെന്ന് മുന്നറിയിപ്പ് നല്കി ഗവേഷക സംഘം. രാജ്യത്ത് രണ്ടാം തരംഗം കൃത്യമായി പ്രവചിച്ച ഗവേഷകരുടേതാണ് മുന്നറിയിപ്പ്.
ഈ മാസം തന്നെ രാജ്യം കൂടുതല് വഷളായ നിലയിലേക്ക് പോയേക്കാം. ദിനംപ്രതി ഒരു ലക്ഷത്തിന് താഴെ കേസുകള് വരുന്ന അടുത്ത തരംഗത്തില് ഏറ്റവും മോശം സാഹചര്യത്തില് ഒന്നരലക്ഷത്തോളം പ്രതിദിന കേസുകള് ഉണ്ടാകു മെന്നാണ് പറയുന്നത്.
ഹൈദരാബാദിലേയും കാണ്പൂരിലേയും ഐഐടികളിലെ മതുകുമല്ലി വിദ്യാസാഗര്, മണീന്ദ്ര അഗര്വാള് എന്നിവരുടെ നേതൃത്വത്തിലുള്ള ഗവേഷക സംഘത്തിന്റേതാണ് റിപ്പോര്ട്ട്
നാല് ലക്ഷത്തോളം പ്രതിദിന കോവിഡ് കേസുകള് റിപ്പോര്ട്ട് ചെയ്ത രണ്ടാം തരംഗത്തെ അപേക്ഷിച്ച് അടുത്ത തരംഗം ചെറുതായിരിക്കാം. എന്നാല് പ്രതിരോധ കുത്തിവെപ്പുകള് ത്വരിതപ്പെടുത്തേണ്ടതുണ്ടെന്നും പുതിയ വകഭേദങ്ങള് പ്രത്യക്ഷപ്പെടാനുള്ള സാധ്യത കണക്കിലെടുത്ത് ജാഗ്രത പാലിക്കേണ്ടത് അത്യാവശ്യമാണെന്നും റിപ്പോര്ട്ട് അടിവരയിടുന്നു.
