ടോക്കിയോ: ഒളിംപിക്സ് ജാവലിന് ത്രോ ഫൈനലില് ഇന്ത്യയുടെ മെഡല് പ്രതീക്ഷയായ നീരജ് ചോപ്ര മുന്നില്. ആദ്യ ശ്രമത്തില് തന്നെ 87.03 ദൂരം കണ്ടെത്തി നീരജ് ചോപ്ര മുന്നിലെത്തി. രണ്ടാം ശ്രമത്തില് 87. 58 ദുരം കണ്ടെത്തിയപ്പോള് മൂന്നാം ശ്രമത്തില് 76.79 ദൂരം കണ്ടെത്താനെ ആയുള്ളു. മത്സരം പുരോഗമിക്കുകയാണ്.
ഫൈനലില് 12 താരങ്ങളാണ് പങ്കെടുത്തത്. എട്ടുപേര് അവസാന റൗണ്ടിലേക്ക് കടക്കും. ഓരോ താരത്തിനും ആറ് അവസരങ്ങള് വീതമാണ് ലഭിക്കുക. ലോക ചാമ്പ്യനായ ജോഹന്നെസ് വെറ്റൈറാണ് നീരജ് ചോപ്രയുടെ പ്രധാന എതിരാളി. യോഗ്യത മത്സരത്തില് മൂന്നാം ശ്രമത്തിലാണ് ജര്മ്മന് താരം ഫൈനലിലേക്ക് യോഗ്യത നേടിയത്. വെറ്റൈറുടെ ഏറ്റവും ഉയര്ന്ന ദൂരം 96.29 മീറ്ററാണ്. ദേശീയ ചാമ്പ്യനായ നീരജിന്റേത് 88.07 മീറ്റര് ദൂരമാണ് ഏറ്റവും ഉയര്ന്നത്. ജര്മ്മനിയുടെ ജൂലിയാന് വെബ്ബെര്, ഫിന്ലന്ഡിന്റെ ലസ്ലി എറ്റെലാറ്റാലോ, മാള്ഡോവയുടെ ആന്ഡ്രിയന് മര്ദാരെ പാക്കിസഥാന്റെ അര്ഷാദ് നദീം എന്നിവരാണ് ഫൈനല് പോരാട്ടത്തില്.
പ്രാഥമിക റൗണ്ടില് 86.65 മീറ്റര് ദൂരം കണ്ടെത്തി യോഗ്യതാ റൗണ്ടിലെ ഏറ്റവും മികച്ച പ്രകടനത്തോടെയാണ് നീരജ് ഫൈനലിലെത്തിയത്. ഒളിംപിക്സ് ജാവലിന് ത്രോ ഫൈനലിലെത്തുന്ന ആദ്യ ഇന്ത്യക്കാരനാണ് നീരജ് ചോപ്ര.
