ഇസ്ലാമാബാദ്: അഫ്ഗാനിസ്താനിലേയ്ക്കുള്ള വിമാന സര്വീസുകള് താത്ക്കാലികമായി നിര്ത്തിവെച്ച് പാക്കിസ്താന്. പാക്കിസ്താന് അന്താരാഷ്ട്ര എയര്ലൈന്സ് ആണ് ഇക്കാര്യം അറിയിച്ചത്. കാബൂളിലെ ഹമീദ് കര്സായി അന്താരാഷട്ര വിമാനത്താവളത്തിലെ സൗകര്യക്കുറവും റണ്വേയിലെ മാലിന്യക്കൂമ്പാരവുമാണ് സര്വീസ് നിര്ത്താന് കാരണമെന്ന് പിഐഎ അറിയിച്ചു.
പാക്കിസ്ഥാന് അന്താരാഷ്ട്ര എയര്ലൈന്സ് മാത്രമാണ് കഴിഞ്ഞ ഒരാഴ്ചയായി കാബൂളിലേക്കും തിരിച്ചും സര്വീസ് നടത്തിയിരുന്നത്.
താലിബാന് അധികാരമേറ്റടുത്തതിന് ശേഷം കാബൂള് വിമാനത്താവളത്തില് ഇമിഗ്രേഷന് ഉദ്യോഗസ്ഥരും സുരക്ഷാ ഉ േദ്യാഗസ്ഥരും കൃത്യമായി ജോലി ചെയയുന്നില്ല എന്നാണ് വിവരം. റണ്വേയിലെ മാലിന്യം അപകടമുണ്ടാക്കിയേക്കുമെന്ന് ഭയന്നാണ് പാക്ക് എയര്ലൈന്സുകള് താത്ക്കാലികമായി വിമാനങ്ങള് നിര്ത്തിവെച്ചത്.
