ഈശോ എന്ന സിനിമാപ്പേരുമായി ബന്ധപ്പെട്ട് വിവാദം തുടരുമ്പോള് പേരിനെ അനുകൂലിച്ച് അങ്കമാലി രൂപതയുടെ മുഖപത്രമായ സത്യദീപത്തിന്റെ ഇംഗ്ലിഷ് എഡിഷന്റെ അസോസിയേറ്റ് എഡിറ്ററായ ഫാ. ജയിംസ് പനവേലിന്റെ ഞായറാഴ്ച പ്രസംഗത്തിന്റെ വീഡിയോ പങ്കുവെച്ച് സംവിധായകന് മിഥുന് മാനുവല്. സിനിമാപ്പേരില് വിവാദം കത്തിക്കുന്ന മതമൗലികവാദികള്ക്കെതിരെ രൂക്ഷവിമര്ശനം ഉന്നയിക്കുന്നതാണ് വീഡിയോ.
ക്രിസത്യാനികള് ഇന്ന് ‘ക്രിസംഘി’ എന്ന് സാമൂഹ്യ മാധ്യമങ്ങളില് വിളിക്കപ്പെടാന് കാരണം നമ്മുടെ സ്വഭാവം കൊണ്ടു കിട്ടിയ പേരാണെന്നും പണ്ടൊന്നും നമ്മള് ഇങ്ങനെയായിരുന്നില്ലെന്നും പ്രസംഗത്തില് പറയുന്നു. ഈശോ എന്ന പേരില് ഒരു സിനിമ ഇറക്കിയാല് പഴുത്ത് പൊട്ടാറായി നില്ക്കുന്ന വ്രണമാണോ നിങ്ങളുടെ മതവികാരമെന്ന് ചോദിക്കുന്ന അദ്ദേഹം മുമ്പ് ഈ.മ.യൗ, ആമേന്, ഹല്ലേലുയ്യ എന്നിങ്ങനെ എന്തെല്ലാം സിനിമകള് ഉണ്ടായിട്ടുണ്ട് എന്ന കാര്യവും ചൂണ്ടിക്കാട്ടുന്നു. അന്നൊക്കെ സംയമനം പാലിച്ച ക്രിസ്ത്യാനി ഇപ്പോള് ഈശോ എന്ന് കേട്ടപ്പോള് വാളെടുത്തിറങ്ങിയിട്ടുണ്ട്.
ഈശോ എന്ന പേരില് ഒരു സിനിമ ഇറക്കിയാല് പഴുത്ത് പൊട്ടാറായി നില്ക്കുന്ന വ്രണമാണോ നിങ്ങളുടെ മതവികാരം. ഇതിനപ്പുറമാണ് ക്രിസ്തു എന്ന് മനസിലാക്കുന്ന ഒരു വിശ്വാസിക്ക് ഇതൊന്നും ഒന്നുമല്ലെന്നും പറയുന്നു. മറ്റുള്ളവരേക്കാളും തീവ്രമായ വര്ഗീയത എങ്ങനെയാണ് ക്രിസ്ത്യാനികളിലേക്ക് വന്നത്. നമുക്ക് വേണ്ടത് സമുദായവാദമോ മതാത്മകതയോ അല്ല. നമുക്ക് വേണ്ടത് ആത്മീയതയാണ്. അത് മനുഷ്യനെ സ്നേഹിക്കലാണ്,’
ഇതിനപ്പുറമാണ് ക്രിസ്തു എന്ന് മനസിലാക്കുന്ന ഒരു വിശ്വാസിക്ക് ഇതൊന്നും ഒന്നുമല്ല. ക്രിസ്തുവിനെ ഉള്ക്കൊള്ളാന് കഴിയാതെ വരുമ്പോഴാണ് ക്രിസ്ത്യാനികള് കൊത്തിക്കീറാനും മാന്തിക്കീറാനും തീകത്തിക്കാനും ഇറങ്ങുന്ന വര്ഗീയവാദികളായി മാറുന്നത്. ഇതാണ് സമുദായവാദവും മതാത്മകതയെന്നും പറഞ്ഞത്. ഫാ. ജയിംസ് പനവേലില് നടത്തിയ പ്രസംഗത്തിന്റെ വീഡിയോ ‘ചുമ്മാ ഇരിക്കട്ടെ… യേശുവിനെ അറിയാത്ത ഒരു മൈനോരിറ്റി ക്രിസ്ത്യാനികള്ക്ക് ചെലപ്പോ, I mean ചെലപ്പോ, ഉപകാരപ്പെടും,’ എന്ന വാചകത്തോടെയാണ് മിഥുന് മാനുവല് പങ്കുവെച്ചിട്ടുള്ളത്. അനേകരാണ് വീഡിയോയെ അനുകൂലിച്ചും പ്രതികൂലിച്ചും സാമൂഹ്യ മാധ്യമങ്ങളില് പ്രത്യക്ഷപ്പെട്ടത്.
നാദിര്ഷയും ജയസൂര്യയും ഒന്നിക്കുന്ന സിനിമയ്ക്ക് ഈശോ എന്നും ദീലിപ് ചിത്രത്തിന് കേശു ഈ വിടിന്റെ നായകന് എന്നും പേരിട്ടതോടെയാണ് വിവാദം തുടങ്ങിയത്. എന്നാല് പ്രതിഷേധത്തെ തുടര്ന്ന് പേരുമാറ്റാന് തല്ക്കാലം താല്പ്പര്യമില്ലെന്നായിരുന്നു നാദിര്ഷായുടെ പ്രതികരണം. ഈശോ എന്ന പേരു മാറ്റണമെന്ന് ആവശ്യപ്പെട്ട് കത്തോലിക്കാസഭയിലെ ഒരു വിഭാഗം രംഗത്തെത്തിയിരുന്നു.
