അഫ്ഗാനിസ്ഥാന്: ഇന്ത്യയിലെ ഭീകരവാദ പ്രവര്ത്തനങ്ങള്ക്ക് സഹായം വേണമെന്ന ആവശ്യവുമായി പാക് ഭീകരസംഘടനയായ ജെയ്ഷെ മുഹമ്മദ് നേതാക്കള് താലിബാനുമായി കൂടിക്കാഴ്ച നടത്തിയതായി റിപ്പോര്ട്ടുകള്.ജമ്മുകശ്മീരില് ഭീകരാക്രമണം ഉണ്ടായേക്കുമെന്ന് രഹസ്യാന്വേഷണ ഏജന്സികള് മുന്നറിയിപ്പ് നല്കി. പാകിസ്താനിലെ രാഷ്ട്രീയ സാഹചര്യങ്ങളും കൂടിക്കാഴ്ചയില് ചര്ച്ചയായെന്നാണ് സൂചന
ഭീകരാക്രമണം ഉണ്ടായേക്കുമെന്ന മുന്നറിയിപ്പിന്റെ പശ്ചാത്തലത്തില് സമൂഹമാധ്യമങ്ങളില് പ്രത്യേക ശ്രദ്ധ ചെലുത്താന് സംസ്ഥാന ഇന്റലിജന്സിന് നിര്ദേശം ലഭിച്ചിട്ടുണ്ട്. ശ്രീനഗറല് ആക്രമണം ഉണ്ടാകുമെന്നായിരുന്നു മുന്നറിയിപ്പ്. ഈ മാസം 24നാണ് ഇത് സംബന്ധിച്ച സൂചനകള് ലഭിച്ചത്. ജമ്മുകശ്മീരില് പ്രത്യേക നിരീക്ഷണം നടത്തിവരികയാണെന്ന് ഉന്നത വൃത്തങ്ങള് അറിയിച്ചു.
കശ്മീര് വിഷയത്തില് ഇന്ത്യയും പാകിസ്താനും ഉടന് ചര്ച്ച നടത്തണമെന്നും തീരുമാനമെടുക്കണമെന്നും താലിബാന് വക്താവ് അറിയിച്ചു. ഇതിനിടയാണ് ജെയ്ഷെ മുഹമ്മദ് നേതാക്കള് താലിബാനുമായി കൂടിക്കാഴ്ച നടത്തിയെന്ന റിപ്പോര്ട്ടുകള് പുറത്തുവരുന്നത്.
