ക്നൗ: ബി.എസ്.പിയില് മാഫിയ നേതാക്കള്ക്ക് മത്സരിക്കാന് ടിക്കറ്റ് നല്കില്ലെന്ന് പാര്ട്ടി അധ്യക്ഷ മായാവതി. വരുന്ന നിയമസഭാ തിരഞ്ഞെടുപ്പില് മൗ മണ്ഡലത്തില് സിറ്റിംഗ് എം.എല്.എ മുക്താര് അന്സാരിക്ക് പകരം പാര്ട്ടി സംസ്ഥാന അധ്യക്ഷന് ഭീം രാജ്ഭര് മത്സരിക്കുമെന്ന് മായാവതി വ്യക്തമാക്കി.
മാഫിയ തലവനായി കുപ്രസിദ്ധനായിരിക്കേയാണ് മുക്താര് അന്സാരി ബി.എസ്.പിയില് എത്തുന്നതും എം.എല്.എയാകുന്നതും. അഞ്ച് തവണ മൗവില് നിന്ന് നിയമസഭയിലെത്തി. നിലവില് പഞ്ചാബിലെ ബാണ്ട ജയിലിലാണ്. 52 കേസുകളാണ് ഇയാള്ക്കെതിരെയുള്ളത്. ഇതില് 15 എണ്ണത്തില് വിചാരണ നേരിടുകയാണ്. ഗാസിപുര് ജില്ലയിലെ മുഹമ്മദാബാദ് പോലീസ് സ്റ്റേഷനിലാണ് എം.എല്.എയ്ക്കെതിരായ കേസുകളില് ഏറെയും രജിസ്റ്റര് ചെയ്തിരിക്കുന്നത്. ലക്നൗ, മൗ ജില്ലകളിലെ സ്റ്റേഷനുകളിലും കേസുകളുണ്ട്.
പഞ്ചാബിലെ റിയല് എസ്റ്റേറ്റ് ഇടപാടുമായി ബന്ധപ്പെട്ട് ഹോംലാന്ഡ് ഗ്രൂപ്പ് സി.ഇ.ഒയെ തട്ടിക്കൊണ്ടുപോയ കേസിലാണ് 2019 മുതല് മുക്താര് അന്സാരി പഞ്ചാബിലെ ജയിലില് കഴിയുന്നത്.
