മുംബൈ: അപകീര്ത്തിക്കേസില് കോടതിയില് ഹാജരാകാത്തതില് ഇനിയും ആവര്ത്തിച്ചാല് അറസ്റ്റ് ചെയ്യാന് ഉത്തരവിടുമെന്ന് കോടതിയുടെ താക്കീത്. ബോളിവുഡ് ഗാനരചയിതാവും കവിയുമായ ജാവേദ് അക്തര് നല്കിയ കേസില് വാദം കേള്ക്കുന്നതില് നിന്നും നടി വിട്ടു നില്ക്കുന്നതിലാണ് കോടതിയുടെ മുന്നറിയിപ്പ്. മെട്രോപൊളിറ്റന് മജിസ്ട്രേറ്റ് കോടതിയാണ് നടിക്ക് താക്കീത് നല്കിയത്.
അടുത്ത തവണയും കേസില് വാദം കേള്ക്കുന്നതില് ഹാജരായില്ലെങ്കില് അറസ്റ്റ് വാറന്റ് പുറപ്പെടുവിക്കുമെന്ന് മുന്നറിയിപ്പ് നല്കി. ബോളിവുഡില് പലരെയും ആത്മഹത്യയിലേക്കു നയിക്കുന്ന സംഘത്തിന്റെ ഭാഗമാണ് ജാവേദ് അക്തര് എന്ന കങ്കണയുടെ പരാമര്ശത്തിനെതിരേയാണ് അക്തര് കോടതിയെ സമീപിച്ചത്. കേസ് ചൊവ്വാഴ്ച വിളിച്ചപ്പോഴും നടി ഹാജരായിരുന്നില്ല. എന്നാല് പരാതിക്കാരനായ ജാവേദ് അക്തര് ഭാര്യ ശബാന ആസ്മിയോടൊപ്പം കോടതിയില് എത്തുകയും ചെയ്തു.
കേസ് തള്ളണമെന്ന് ആവശ്യപ്പെട്ട് നേരത്തെ കങ്കണ നല്കിയ ഹരജി ബോംബെ ഹൈക്കോടതി തള്ളിയിരുന്നു. പുതിയ സിനിമയുടെ പ്രചാരണവുമായി ബന്ധപ്പെട്ട് കഴിഞ്ഞ രണ്ട് ആഴ്ചകളിലായി തിരക്കിലായിരുന്നുവെന്നും കൊവിഡ് രോഗലക്ഷണങ്ങളുണ്ടെന്നും പറഞ്ഞാണ് ചൊവ്വാഴ്ചയും നടി കോടതിയില് എത്താതിരുന്നത്. കോടതി നടപടി വൈകിക്കാനുള്ള തന്ത്രമാണ് ഓരോ തവണയും പല കാരണങ്ങള് പറഞ്ഞ് ഹാജരാകാതിരുന്നതിന് പിന്നിലെന്ന് അഭിഭാഷകന് ആരോപിച്ചു.
കേസില് കങ്കണയ്ക്ക് ഹാജരാകന് വീണ്ടും അവസരം നല്കരുതെന്ന് ജാവേദ് അക്തറിന്റെ അഭിഭാഷകന് വാദിച്ചു. 2020 ലാണ് ജാവേദ് അക്തര് കങ്കണയ്ക്കെതിരെ പരാതി നല്കിയത്. കങ്കണയുടെ പരാമര്ശങ്ങള് തന്റെ പ്രതിച്ഛായയെ കളങ്കപ്പെടുത്തുന്നു എന്നായിരുന്നു സ്വീകരിക്കണമെന്നുമാണ് ജാവേദ് അക്തര് നല്കിയ പരാതിയില് പറയുന്നത്.
