ന്യൂഡല്ഹി: യുപിയിലെ ലഖിംപൂരില് നാല് കര്ഷകര് ഉള്പ്പെടെ എട്ടു പേരുടെ മരണത്തില് പ്രതിഷേധമുയര്ത്താന് കര്ഷക സംഘടനകള്. ഒക്ടോബര് 18 ന് ട്രെയിന് തടയല് സമരവും ഒക്ടോബര് 26 ന് ലക്നൗവില് മഹാപഞ്ചായത്തും സംഘടിപ്പിക്കും.
കഴിഞ്ഞ ഞായറാഴ്ചയാണ് ലഖിംപൂരില് നാല് കര്ഷകര് ഉള്പ്പെടെ എട്ട് പേരെ കേന്ദ്രമന്ത്രിയുടെ മകന്റെ വാഹനം ഇടിച്ചു കയറി കൊല്ലപ്പെട്ടത്. രാജ്യത്തുടനീളമുള്ള കര്ഷകര് ഒക്ടോബര് 12 ന് ലഖിംപൂര് ഖേരിയിലെത്തും. എല്ലാ പൗര സംഘടനകളോടും അവരുടെ നഗരങ്ങളില് 12 ന് രാത്രി 8 മണിക്ക് മെഴുകുതിരി കത്തിച്ച് മാര്ച്ച് നടത്താന് ഞങ്ങള് അഭ്യര്ത്ഥിക്കുന്നു.. സ്വരാജ് ഇന്ത്യ നേതാവ് യോഗേന്ദ്ര യാദവ് പറഞ്ഞു.
അതേസമയം ഒക്ടോബര് 18 ന് ട്രെയിന് തടയല് സമരം നടത്തുമെന്നും 26 ന് ലക്നൗവില് ഒരു വലിയ മഹാപഞ്ചായത്ത് നടത്തുമെന്നും അദേഹം വ്യക്തമാക്കി.
