ന്യൂഡല്ഹി: ഉത്തര്പ്രദേശിലെ ലഖിംപുര് ഖേരിയില് കര്ഷക സമരത്തിന് നേരെ വാഹനം ഇടിച്ചു കയറ്റി കര്ഷകരെ കൊലപ്പെടുത്തിയതിന് പിന്നാലെ ബിജെപി പ്രവര്ത്തകര് കൊല്ലപ്പെട്ടത് അടിക്ക് തിരിച്ചടിയാണെന്ന് കര്ഷക സംഘടനാ നേതാവ് രാകേഷ് ടികായത്ത്. അതില് തെറ്റില്ല, കൊലപാതകത്തില് ഉള്പ്പെട്ടിട്ടുള്ളവര് കുറ്റക്കാരാണെന്ന് കരുതുന്നില്ലെന്നും ടിക്കായത്ത് പറഞ്ഞു.
രണ്ട് ബിജെപി പ്രവര്ത്തകരാണ് കൊല്ലപ്പെട്ടത്. കൊലപാതകത്തില് ഉള്പ്പെട്ടവരെ താന് കുറ്റക്കാരായി കണക്കാക്കുന്നില്ലെന്നും മറ്റ് കര്ഷക സംഘടനാ നേതാക്കള്ക്കൊപ്പം ഡല്ഹിയില് നടത്തിയ വാര്ത്താസമ്മേളനത്തില് രാകേഷ് ടിക്കായത്ത് പറഞ്ഞു.
മനുഷ്യരെ ചതച്ചു കൊല്ലുന്നവര് മനുഷ്യരാകാന് വഴിയില്ല, അവര് കഠിനഹൃദയരാണ്. അദേഹം ട്വിറ്ററില് കുറിച്ചു. ലഖിംപുര് സംഭവത്തില് കുറ്റക്കാരെ ഉടന് അറസ്റ്റ് ചെയ്യണമെന്നും ടിക്കായത്ത് നേരത്തെ ആവശ്യപ്പെട്ടിരുന്നു.
